هل تثق بمن تحدثهم على الانترنت ..

انا برأيي انه ممكن وجدا كمان

لانه حياة النت ما بتختلف اشي عن حياة الواقع

بالنت احنا بنكون اللي بنحكي

وبالواقع احنا كمان بنكون بنحكي

واما بالنسبه للثقهالزايده

اكيد انه ما لازم الواحديوثق بأي شخص حتى لو على الواقع

بس من ناحيتي

انا بثق بأصحابي على النت اكتر من اصحابي بالواقع

وشكرا لالك دودو على الموضوع الرااائع

يعطيكي الف عافيه :hat:

اهلين لحون ...حلو ..

انا كمان عدني ثقة كبيرة باللي بحكي معهم عالنت ..

بس المشكلة انه يا عصوم مو كل اللي بتحكي معهم صادقين ..

يمكن انت بتوثق فيهم ..بس بالاخر هم يطلعو كزابين ..
يعني هم خلوك توثق فيهم ومو مبين عليهم انهم مو صادقين ..

بس يعني عندك صاحب عالنت .. وحبيت تشوفه ..
ولما شفته وحكيت معه عالواقع انصدمت فيه ..
بتصير كتير هاي الشغلة ..و بتندم انك كنت توثق فيه او حتى تحكي معه ..

لا عادي


مهو انتي مش عارفه كيف

هسه طبعا انا من قبل لا اعرف النت وانا باكل صدمات من اصحابي وكنت واثق فيهم

اذا تلقيت صدمات من اقرب الناس الي اللي انا عايش معهم 0 اهلي ) :nosweat:

فلما صرت اشبك نت

اتعرف على شباب واشوف مين بيستاهل الثقه

طبعا منحت الثقه لناس وكانت ما بتستحقها

وناس ما اعطيتها ثقتي مع انها كانت تستحقها

وناس وثقت فيهم ولحد الان واثق فيهم

ف بحكيلك معما البني ادم هسه حاول يصدمني بخيانته لثقتي

ما يحلم يصدمني

انا تعودت على هالشغلات وصرت مضاد للصدمات :hat:

انا مو بكل الناس بثق
يعني هي في نس عندي بعد فتره اكتشفت انهم مو محل هالثقه خحطرتهم علىطول
مو كل اصابعك متل بعض
يعني في ناس بامنلهم وناس لا من النت:hi:

شكرا على الموضوع

بس انا عمرني ما وثقت بحد على النت الا اشخاص معينين انا بعرفهم وحكيت معم على التلفون غير هيك لا
خصوصا الجنس التاني يعني مستحيل اني اصدق بنت على النت او انو لحد هاي اللحضة ما لقيت بنت فعلا صادقة على النت الكل عم يكذب ومعلش اعذروني بكلامي وحتى البنت لما تتكلم مع الشب انا متاكد انو هي بتعرط على الشب والشب بيعرط عليها اما صدق مافيش
مشان هيك ان كلو حده بحكي معها من بداية اكلام حسيت انها مو صادقة على طول باخد عنها فكرة سلبية وما بصدقها بعد هيك نهائيا حتى على مستوى اللهجة يعني ممكن البنت تحكي بنعومة وحكي من الي بدكم يا لكن انها متل بعض ناس متلا في المنتدى بتلاقيه متلا بكتب كلمت (مزبوط هيك (مزبوت يا عمي شو هالحكي اي مو للدرجة او كلمة (اعطيني بتكتبها (اعتيني ههههه طيب انا هاي البنت الي بكتابتها كذابة كيف بدي اصدق حكيها والا بتشوف صورة غرفة نوم بموضوع معين بتنط وبتحكي انا غرفتي متل هاي مع اختلافات بسيطة عاد بتلاقي الغرفة الي عندها مخلعة وبدها ست نجارين ما بزبطوها وهيها بتعرط على العالم طيب ليش الكذب سواء للشباب او الصبايا انا مش عارف يعني انتا مستحي بحكالك وببيتك واهلك والله عيب

يسلمو كتير على الموضوع

اقتبـاس ،، والا بتشوف صورة غرفة نوم بموضوع معين بتنط وبتحكي انا غرفتي متل هاي مع اختلافات بسيطة عاد بتلاقي الغرفة الي عندها مخلعة وبدها ست نجارين ما بزبطوها وهيها بتعرط على العالم طيب ليش الكذب سواء للشباب او الصبايا انا مش عارف يعني انتا مستحي بحكالك وببيتك واهلك والله عيب

:lolo::lolo::lolo::lolo::lolo::lolo:

والله هالحكي مزبوط وكثير بتصير هالشغله

بنرجع للموضوع

بالنسبه للثقه مش كل واحد بثق فيه

وانا فيه ناس بالنت بثق فيهم اكثر من الناس اللي بالواقع

لكن انا لما بدي اثق بشخص مو بسهوله

يعني اذا كان قد الثقه بعطيه اياها اما غير هيك لا

وكمان شغله زي ما الواحد بحب انه يثق بشخص وما يخونه

لازم هوه يكون محل ثقه للاخرين وما يخون الثقه اللي اعطوه اياها



يسلموا دعاء للموضوع :hat:

المشاركة الأصلية كتبت بواسطة: :$لحن الحب$:;35768 لا عادي


مهو انتي مش عارفه كيف

هسه طبعا انا من قبل لا اعرف النت وانا باكل صدمات من اصحابي وكنت واثق فيهم

اذا تلقيت صدمات من اقرب الناس الي اللي انا عايش معهم 0 اهلي ) :nosweat:

فلما صرت اشبك نت

اتعرف على شباب واشوف مين بيستاهل الثقه

طبعا منحت الثقه لناس وكانت ما بتستحقها

وناس ما اعطيتها ثقتي مع انها كانت تستحقها

وناس وثقت فيهم ولحد الان واثق فيهم

ف بحكيلك معما البني ادم هسه حاول يصدمني بخيانته لثقتي

ما يحلم يصدمني

انا تعودت على هالشغلات وصرت مضاد للصدمات :hat:

اها ....

طيب انت واثق انه ما حد رح يصدمك ..
بس دير بالك من هالثقة

المشاركة الأصلية كتبت بواسطة: ميرندا;35797

اول شي يسلمو دودو العسل ع الموضوع الحلو متلك يا حلو :7zool:
دايما اتحفينا يا دوعاء بمواضيعك الرائعة

اما انا ورأيي
بالنسبة للبنات يلي بحاكيهم والحمد لله ما بحاكي غير بنات
صرلنا شابكين النت حوالي اربع سنين
والحمد لله رب العالمين ما بحاكي شباب
هو ممكن انو يضيفني شاب بس علطول برفض احكي معو وبعملو بلوك ودليت
لانو انا ما بثق بكل هادي العلاقات نهائيا حتى لو كانت صداقة
مع احترامي الشديد لبعض الشباب ... في بعض من الشباب التانية ما بنوثق فيهم بتاتا
يعني بدهم يتسلوا مع البنات وبس ... ع الفاضي وبيفكروا النت بس انك تسبت حالك
وتتشاطر ... وكل شب يتفاخر انو بيحكي مع بنت >>> بيكون فرحان ع حالو كتير يعني
وهو والله العظيم لو اختو محل هالبنت ما برضالها هالشي بقلك هادي اختى شو تحكي مع شب

اما بالنسبة للبنت مع البنت فهو امر عادي جدا جدا
بعرف انو خطر ببالكم سؤال
طب مهو ممكن الشب يعمل حالو بنت ويحكي معك
اوك ممكن انو يصير هالشي
بس لابد لابد انو يمل ويزهق ويرد يحكي انو شاب ويعترف >>> بتكون راحت رجولتو قدام البنت وما بتعود تسق فيه اصلا يعني ع الفاضي
وازا ما مل منها
ممكن انو يغلط شي مرة ويحكي بصيغة المزكر وبكون وقع حالو من حالو الفهيم :haa:

وسبحان الله سبحان الله
البنت بتتعرف وهي بتحكي غير عن الشب

بعدين النت مش بس انك تحكي ع الايميل وتشيت
نووووووووو
النت فيك تستفيد منو بشغلاااااااااااات كتير كتير
انا ما بمانع الصحبة والله
بالعكس في بيكون اصدقاء ع النت افضل بكتير من الاصدقاء يلي ع الواقع
انا ماني انسانة سلبية
بالعكس

بيكفي هيك

دخيل الله ما أبرمني :lolo:
يلا
بايو
وشكرا دعاء مرة تانية ع الموضوع الحلو يا حلو :7zol:

اهلين ميرندا لا داعي للشكر ...
بس يعني ما في بنت بتعد عالنت ما ضافت شباب ..هاد شي موممكنولو مين ما كانت ..

ومش ضروري كل الشباب اللي عالماسنجر بدهم يتسلو ..
اوقات البنت بتخليهم يتسلو فيها ..

وكمان لا تنسي انه كتير في ناس مناح عالنت احسن من الواقع ..

المشاركة الأصلية كتبت بواسطة: TameRLoveR;35810 انا مو بكل الناس بثق
يعني هي في نس عندي بعد فتره اكتشفت انهم مو محل هالثقه خحطرتهم علىطول
مو كل اصابعك متل بعض
يعني في ناس بامنلهم وناس لا من النت:hi:

مشكورة انمار على المرو كلامك صح .. مو كل الناس موضع ثقة