مهند والأرنبة وطابور الخبز

وانا بتفرج مرة بالصدفة على الدش شفت لقطة من المسلسل المشهور: نور ومهند

شفت الولد هاد قاعد على منصة هوّ وبنتين زي القمر.. وخدلك حكي من المدبلج (الرخم) اللي ما في جملة مفيدة أساسا من نوعية

هي: إذن لماذا سوف يكون إذا لم يستطع هذا ولم يكن ومازالوا هناك؟

يرد عليها بغضب: ربما كانت ستظل لعل بينما مازال مابرح ماانفكّ

وتهمس لهما الأخت الثالثة بهدوء: ينبغى أن يكون ذلك أو لا ينبغى فتلك من هذه أو هذان سيان

*******
يعني من وين جابو هالدبلجة هاي؟؟ مش قادر أقدر أفهم .. ما في أحسن من الكلام البلدي تبع المسلسلات تبعتنا..

قصص زي الفل وكلام زي العسل.. البنت حبت الولد واتجوزها عرفي من ورا أهلها ولما حصلت الفحشاء أبوها عرف راح لطشها (قلمين) والولد اعترف بغلطته واتجوزها رسمي.. والسلام.. خلص المسلسل.. من غير لا دبلجة ولا شقلبة

وبعدين أنا ممكن اقتنع إن وحدة تعجب بمسلسل وتتابعه.. إنما الوحدة هاي تطلّق أو تسب جوزها عشان هو مش زي اسم النبي حارسه وصاينه مهند؟؟ ليش إن شاء الله؟؟ مهند هاد إشعال ذاتي يعني وجوزها بعين وحدة؟؟ شو الشلل هاد؟؟ مش قادر أقدر أفهم..

وبعدين بقولك وحدة اتطلقت من جوزها عشان طلبت منه يجيبلها ورد كل يوم الصبح زي مهند.. أيوة يعني الرجال بيروح يوقف في طابور الخبز ولاّ في طابور الورد؟؟
والست هاي رح تفطر فول ولاّ رح تفطر ياسمين؟؟ هتتنيّل على عين أهلها وتعمل لولادها ساندويتشات للمدرسة ولاّ رح تلفّ الساندويتشات في لفتين تيوليب عطر فرنسي الإيحاء؟؟

*******

والشي اللي بيخنق أكتر لما يجيبلك شوية لقطات من قصور وبيوت نضيفة وتبقى كل المشكلة إنه البطل جرح إحساس ضافر الإصبع الخنصر تبع رجل البطلة اليمين.. طيب ما تجيبولنا العيشة الفخفخينا هاي واحنا رح نعمل أحلى شغل

يعنى هو الرجل العربي ماخدها (كيف) إنه يطلّع عين مرته مثلا؟؟ مزاجه بيتعدل لما يلطشها قلمين؟؟ لأ طبعا.. ماهو من خنقته طول النهار.. ووقفته فى طابور الخبز الصبح وطابور الجمعية الظهر وطابور المواصلات العصر عشان تشريفة سيادة الوزير مسكرة نص شوارع العاصمة وضواحيها..

غير طبعاً طابور القهوة بالليل عشان القهوة صارت بالحجز هالأيام.. وبدهم إياه يجيب لها بوكيه ورد كل يوم؟؟

طبعاً أكيد الرحمة والود والمحبة لازم تكون موجودة بس مش لدرجة الحكي الفاضي هاد.. هاتولنا شي نعرف نطبقه يعني عالأقل..

*******

عاملين زي إعلان (وقفة موزمبيقية) اللي مغرق مصر.. بيجيبوا بيت معفن وولاد كتير شحادين مش لاقيين يوكلوا وبيقولوا: نفكر كلنا نشبع كلنا..

وبيجيبوا صورة لقصر كبير وطرابيزة مليانة أكل ولحمة وبرضه: نفكر كلنا نشبع كلنا

يعنى هيه المشكلة في العيّلين الزيادة يعني..

يعني هوه الرجال الملياردير صاحب القصر رح تفرق معه لو مرته طلعت أرنبة وجابت له خمسة وستين عيّل؟؟

والرجال الشحاد اللي مش لاقي يوكل رح تفرق معه لو مرته ماتت أصلاً؟؟

رح يضل هاد ملياردير وهداك شحاد

*******
وبعدين هوّ الحب انه الواحد يجيب لحبيبته ورد كل يوم؟ ولاّ يقعد يبحلق في عينيها طول النهار باعتبار انه بيمشط شعره فى عينيها يعني؟؟

الحب أكبر من هيك بكتير

الحب إنه حبيبتي تجيب لي قميص جديد في عيد ميلادي واني أحوّل لها ليرة رصيد في عيد ميلادها

الحب إني دايماً أمشي بفلوس ماسكة عشان هيّ اللي تدفع أجار باص المؤسسة..

الحب إني دايماً أروح عالحمّام في نهاية قعدتنا في الكافتيريا عشان هيّ اللي تحاسب

الحب إنها تقول لي بحبك.. ولحظتها بكون بخلص المستوى التاسع في لعبة التعبان تاعة الموبايل

الحب أشياء كتير أعمق من مجرد ورد وحكي فاضي.. افهموها عاد

*******









:3mzeh:


ملطوش باحتراف