Back To School

بسم الله الرحمن الرحيم


ظاهرة كل سنة نراها ونميزها من خلال التجمعات الضخمة بالأسواق




كما نرى في هذه الصورة مأخوذة من شارع السعادة في الزرقاء

هذا الشارع المكتظ بالمتسوقين ...............ولكن كما تروا الشارع غير مكتظ

ولكن بأيام المناسبات قبله بأسبوع يكتظ الشارع اكتظاظ غير طبيعي

نبدأ بالعامي احسن :nosweat:


الناس مو دارية عن حالها

همها تشتري لوازم الدراسة لولادهم

وخذ ليرة واحلق شعرك كويس واذا بلاقيه مرينز والله لأحلقلك من البيت عالناشف

هذه كلمات نسمعها من أهالينا :nosweat:

والمشكلة أنو لما انا اكون بالسوق او أي حدا بتكون أيدو فاضية

النسوان فايعات بالسوق ومن محل لمحل ويا ريت في ايد مليانه

حياتنا ملل ..................... وملل


لا احد يخرج نظريات وحلول للألتزام بمطلبات الأسرة


ومشان بكرا المدرسة يلعن اختو من يوم

أمك بتقومك من الخمسة الفجر وبتحكيلك :


يما دير بالك تعمل مشاكل

يما لما يحكيلك الأستاذ اعمل هيك هيك ...بتعمل هيك هيك

يما الله يرضى عليك يما دير بالك السيارات وامشي عالرصيف

يما هي اليوم بعطيك عشر قروش وكل يوم بتصير توخذ ربع

يما السندويشة بتوكلها بالفرصة .........مش تنساها بالشنتة وتطلع ريحتها

يما اذا حدا ضربك روح عالمدير ومش تعمل مشاكل وتلملم ولاد الحارة

الله يرضى عليك ما بدنا مشاكل ....

ويما يا حبيبي / حبيبتي : لا تصرفي البريزة كلها الله يرضى عليكي اصرفي شلن وحطي شلن بالكجة :hah:


خلصنا من حكي ماميتنا :nosweat:


حكي البابا :


يابا بلعن ابوك عرص اذا بتعمل مشاكل
وخليك مركز مع الأستاذ ومنتبه معه
واذا واحد اتحركش فيك يابا انزل عالمدير واحكيلو
يابا لا تشتري الهرايس والكريزة الله يرضى عليك زي ما حكتلك امك



الطالب النشيط يقول لأبيه كل يوم : يابا اعطيني مصروفي امي ما اعطتني

طبعا بطلع من الدار معه غله من امو وابوه :nosweat:

أما بالنسبة للأخ الكبير ورافع الراس زيي :nosweat:

اسمع ولا اذا واحد بعمل معك مشاكل شل عرضو ما تخلي حدا يعلم عليك وانت صغير
بدي اياك تطلع زلمة :haa:

*شد شعرو

* مزع شنتته

* عضو من راسو .......... وفك شفرة البراي وخليها بجيبتك للزوم




:haa: لأ عنجد هيك بصير بحالتنا الأجتماعية

المهم خلينا نخش بموضوع رمضان


وراح يجي رمضان

ومن هسا الأسعار مرتفعة والحركة عشوالات الرز والسكر لا تعد والمشكلة صار في احتكار

وزداد الأقبال على المشتريات ومحتويات المطلوبة للبيت وللأسرة من كل شيء

غاز - زيت - رز - سكر - طحينة - طحين - تمر - عصير - جوز - جوز الهند - حليب - قمر الدين - عوامة - اصابع ليلى :ohgod: زينب - واللي مش منزل ستالايت بدو ينزل غصبن عن امو مشان يحضر باب الحارة الجزء الثالث ( الله يفضح عرضو هالمسلسل العالم بتستنا برمضان مشان المسلسل مو مشان العبادة ) .


كل سنة تحصل هذه المتطلبات

والله يعينك يا أبوهم شو بدك تلحق لتلحق

وخصوصا المعازيم

بدك تضيف 60 معلقة جديدة للأحتياط
زيادة عدد الصحون وعدد الكاسات :hah:


وكل يومين بدك تعزم اهلك ونسايبك وعدايلك

المصيبة ما بطلع اشي لمصلحتك وما حد بعزمك :ohgod:


وبالنسبة نرجع لشارع السعادة

أنا بنصح الكل تعال على شارع السعادة في اوقات الظهيرة وما بعد الأفطار


بقطع ايدي اذا ما بتفطر :haa: نساء فرييي

خش بدخله بتلاقي شب قاعد ومخبي السيجارة :ohgod:

هذه حالات تحصل وتحصل ولن تتغير

واخر الشارع من جهة النفق وبالتحديد سوق الخاوة (للي بعرف شارع السعادة )

تعدش كم شحاد على الدرج :haa: ( طبعا في منهم قليل يحتاجون العون ) وما بحط بذمتي

تعدش كم شغيل لسوق الخاوة


بسحبو زبون غصبن عن اهل اهلو وببعوه خاوة لو شيكات وذمم

:nosweat:

وبالنسبة للمواصلات


اول ما تأشر لتكسي قلو على السوق
بقلك لو 5 دنانير ما بطلع

وهو بكون طلبو بنص دينار

أكتظاظ سكاني أكظتاظ سير أكتظاظ نفسي

:haa:

اما بالنسبة لباصات الخط بتلاقي الكنترول حاشر 40 عالواقف باستثناء القاعدين :ohgod:



بعين الله


مشان هيك بنصحكم غيرو الوضع

:haa:

تصبحو على خير