مواصفات بنات عمان ههههههههههههه

مواصفات بنات عمان

1- انا وماما زي الصاحبات ودايما بحكيلها كل شي وهي بتعرف عني كل اشي ( وطبعا كله شغل عرط )
2- كلهم شقر وعيونهم لنسز ملونة ( يخزي العين تقول هاي رجعتهم من السويد ) ولما تسألها لنسز بتحكيلك شو لنسز هدول عيوني الحئيئيين!

3- كلهم ببعتولك المسج التالي: اتصل فيي ما معي رصيد وعندي امتحان بكرة ومش آدره اروح اشتري بطاقة ( طب اللي بعت مسج ما برن )

4- كلهم اخدو الرخصة بالواسطة ( اكيد هادا واضح من البريكات الخبط والسرعة اللي ما بتطلع عن 20 )
5- بالجامعة بتطلب سانوش لبنة ودايما لبنة وازا بدها تغير بتطلب منؤوشة زعتر والكولا دايما دايت ( وطبعا لما ترجع على البيت بتقوم بسدر منسف لحالها )

6- اذا حاولت تمسك ايدها بعد سنتين صحبة بتسلخك كف بتعمي ضوك ومش بعيد تبزق عليك قدام كل الجامعة بس اذا لقيتها بعرس بالصدفة لابن خالة عم امها بتضلو على البست للصبح!!

7- كلهم بابا بحبهم اكتر وحدة بين اخوانها وبابا بوخد رايها بكل اشي ( عاد ابوها قرفان ومعفن )

8- اكره اشي عليهم انهم يشوفوك بتحضر مباراة قدم الا اذا مباراة فيها ايطاليا وانجلترا يا سيدي بتلقيهم قعدو وبسطّو وببصبصو على مالديني وبيكام ( وبهاي معهم حق .......... !!)

9-مريحين بالهم ومختصرين اهتماماتهم بالمواضيع التالية:
روجيم ( لازم انزل 50 كغ )،،،،،،، قلوس وبودرة ( اكيد القلوس بطعم الكيوي )الاكل ( ماما طبخت جاجة محشية تفاح )،،،،، الفن ( ماازكى براد بيت ، وائل شعرو بيجنن ، شفتي اصالة ما ازنخها ، شفتي صندل نانسي .......... الخ الخ الخ)
10-كلهم ما بدخنو بس بابا سمحلهم يأرجلو ( عادي )
11- مواصفات حبيب الألب:
فايع، شعره طويل ، معو سيارة بتجنن ، موبايلو اخر صرعة ، بعزمها كل يوم على كوفي شوب شكل ، وفئة الخمسين لازم تكون بجيبتو ( من الاخر اذا بشبه توم كروز بكون ممتاز )
12- بتكون اطفش من حكيها ما في كلو ( غاد، انداري ، بديش، قرفانة....) وبالجامعة الله وكيلك بتقلب ( آل ، هناك، مو عارفة،ثانك يو.....)

13- دايما الشنتة مليانة اشياء زاكية - ساندوش، سوس، علكة،عصير ،شبس، بسكوت- ( بالعربي اذا جعت بتلاقي معها السيفوي)