{ على إربد } ... مظافة عـــروس الشـــمال
صباح النور عليك يا معالي الحج ابو حمزه ... منورنا بزيارتك ....
انت او المعزومين على الجعاجيل ...
اليوم رح احكيلكو عن الجعاجيل ..
لعيون اردنيه .. ونسيم الشمال .. وكل لضيوف ...وطبعا الكل معزوم على الغدا..
اول شي منحضر الادوات للأكله ..وهمه
زعتر بلدي وبصل اخضر بلدي وجعّده (دنيدله) هاي من جيبها من سهول اربد
وبيض بلدي وبقدونس بلدي وشنينه بلديه اصليه وطحين
واكيد الملح والفلفل
منفرم كلشي فرم ناعم كثير كثير ...
بعد هيك منخلطهم مع بعض بدون الطحين والشنينه
بعدين منصير نحط طحين شوي شوي ... لحتى نشوف انه الخلطه
صارت متماسكه ولزّجه شوي ...
واحنا منعمل كل هاي الاشياء ...
الشنينه بتكون تغلي على النار .. بأكبر طنجره بالبيت
بعد ما تغلي منصير نعمل خلطة الجعاجيل زي الكرات
ونحطها بالشنينه ... وهيك لحتى نخلص
بعدين منخليها ساعه او ساعه وربع على النار ...
وبعدين منشيلها ... ومنظيفها للظيوف
وصحه وهنا للموجودين
وانشاء بتكون عجبتكو الاكله .....
هاي من أكل اهل اربــــــــــــــــــــــد .....
زهــــــــــــــــــــرة تشرين
