***----____*** RaWaN.AMH ***----____***
المهز , هاي الكلمه اتعلمتها من فرح , ما علينا , من صاحبيتي ايه , بغز النزر وبصرف البصر , من أخوي ,اليوم شفت خناقه شباب عند المدرسه , خناقه من الاخر أنا فكرت عشان بنت كالعاده لأنه عقلهم صغير , بس سألنا ولا كل قصه الخناقه على قصه العنصريه .. القصه الهبله تبعت اردني وفلسطيني , أنا صحيح فلسطينيه وعايشه بالأردن , بحب بلدي كتير و بعتز لأني فلسطينيه , بس مش عنصريه , بالعكس بحب الاردن كتير , عندي الها انتماء , و مبسوطة لأني عايشه فيها , أحسن من هيك عبث ( اتعلمتها من ابن الجيران ) , ما عندي قصه اني أسأل انت فلسطيني ولا أردني , ما بتفرق عندي كلنا بشر , بس ازا حد كان مدايقني كتير و فارسني , وسألني بقولو انا فلسطينيه وبحب الاردن , ولا وأنا رايقه , بقول كلنا عرب , لأنه هاد الموضوع ما بفرق عندي , وما بحب الناس الي بحكو فيه وبعملو منه قصص وخناقات , ازا حد اجا ببلدي ما بروح وبخانقه , يا اما بسكته بطريقه مزح , ازا كان بفهم , اما ازا بفهمش بطنشو ولا كأني سمعت شي , هاد الموضوع صار دقه قديمه , بطل حدا يهتم فيه , زي الي ما برضو يجوزو بنتهمم عشان الي اتقدملها أردني أو فلسطيني , شو الهبل هاد , شو الفرق مش بني ادم , أو الي ما برضى يسمع أغاني وطنيه لعمر عبداللات عشان للأردن , أو الي ما بسمع أغاني جهاديه , عشان لفلسطين , كل هاد عشان شو , كلنا بشر , ازا ربنا قال :
(*(يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ )*)
هاد أكتر شي بدايقني حالياً لأنه بحس تفاهة و قله دين
:greet015:
(*(يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ )*)
هاد أكتر شي بدايقني حالياً لأنه بحس تفاهة و قله دين
:greet015: