لما تحب بنت شو بصير فيك يا وغد " الدرس الاول "
هناك مراحل للتزبيط
يمكن الكل بيستخدمها او انا لحالي مش عارف المهم يا جماعه الخير
خليني احكيلكو كم طريقه في التزبيط
الطريقه الاولى
بيكون في شات : بفوت على بنت وبسالها عن محمد وعن اخبار محمد
وبتصير تحكي ما بتعرفو وانا بذوب بمحمد بخليه اخوي وصاحبي وبصير اوصف واتغزل فيه
برجع بطلع وبرجع افوت بنك نيم تاني وبرجع اسال عن محمد وبحكيلها اني بن عمو
ولازم اشوفو واحكي معو لانه صار مشكله مع عمه
وبتصير البنت تحلف انها ما بتعرفو وبتبلش تدايق
وبرجع بطلع مره تالته وبغير النك وبرجع بعمل نفس الي عملته لحد ما اشوفها عصبت كتير
وبطلع وبغيب شوي وبرجع بفوت بنك محمد
وبفوت عليها خاص وبسالها انا محمد في حدى سال عني " لازم تضحك "
ادا ما كنت على النت
يعني مباشره في الجامعه مثلا
متل هداك اليوم
اجيت على بنت وحكتلها ممكن اتعرف عليكي صارلنا اسبوع نظرات بعدين مطوله
وبلشت على السريع بدون اااه ولا لاء اعطيتها اسم الماما بسرعه مع السيره الذاتيه
واجت حكت انا ما بحكي مع شباب حكتلها انا شايفتني شباب انا شب واحد
وضحكت
ما علينا هاي اساليب سريعه
بس ضروري تكون عندك الوسامه
و تكون ملسن بس هدول بتزبط ازعم بنت
البنات صارو كتار الشب مصاحب اربع بنات واكتر
ما علينا
اول شهر تاني شهر بتهتم فيها وبتصير بس تيجي تروح بكل هدوء تحكيلها
ديري بالك على حالك
وبتحسسها انها اشي كتير
لحد ما تتعلق فيك البنت
بتعرف من خلال انها مهتمه فيك كمان
وهون بتبلش مرحله الاعتراف بالحب بتسمعها اغنيه وبتهدي اغنيه رومنسيه يمكن تامر
ما علينا
وبتحكيلها انك بتحبها
وبتصيرو ترسملها احلام ورديه
وهيك بتصير البنت بجيبتك و ضروري تغيب هيك فتره عشان تتشتاقلك
يعني مبداء اثقل
وخلص خلصت الدرس الاول في العلاقات لاقوني في الدروس التانيه
ابن الكرك
