أبحث عنك...؟؟ بقلمي
انا من يوم شفتك طار عقلي لاني شفت بدر في مداره
عرفت اني غرقت ببحر حبك واكيد الحر تكفيه الاشاره
أنا قبلك عشقت وطاح حظي ويوم البين ياما اقشر نهاره
بكيت وتعرفين الدمع غالي رصيد الرجل في الدنيا وقاره
ولكن الهوى ناره تخلي عزيز الدار تايه وسط داره
طلعت من الهوى هالك وقلبي توقف نبضه وعاش احتضاره
عقدت العزم ما اعشق بعد هذي وحفظت الدرس في عزم وجداره
ولكن يوم شفتك ضاع عزمي وتاهت هقوة القلب ومساره
عيونك ترمي السهم بفؤادي وخصرك شن وسط القلب غاره
أشوفك بدر نوره عم كوني وأشمك عطر فايح من ثماره
أحس بقرب طيفك ألف معنى أحس اني امير ولا أمارة
وأحس اني نزار وقيس ليلى وأحس اني كما الخوري بشاره
أحبك حب ما توصف حدوده كما نار الشتا عجل انتشاره
أخاف الهجر يفتك في وريدي ويشقى القلب في نار انتظاره
(تضرعت ودعيت الله ربي لنام اللي عمره خساره
