امتحان الجنسية الاردنية (2)
ثالثا: عرف كل من ما يلي:
الخروف: هو شخص اهبل وغبي الناس بتضحك عليه
الفايع: الصايع والهامل وهو الشخص اللي بوقف شعره بالجل وبلبس عالموضه عشان يزبط بنات والبنات نفس الشي بعملو كمان.
الرخيص:ببيع صاحبو مشان بنت
العرّيط،: اللي بتباهى قدام الناس وبكذب عليهم وبنفخ على الفاضي
الطنط :هو الدلوع واللي بعمل حالو مثل البنات واهبل وبترخرخ من حالو
الخز:معناها خدوم
هزيز الذنب:مسّيح جوخ
رابعا: ما الوصف ( الحالة النفسية )التي تدل عليها كل من المصطلحات التالية:
خف عقلي:يعني طار عقلي
شايف الديك أرنب: بقولها الواحد لما يكون معصب او طفران او مسطل
طفران معجوق:عايف حالي ومفلس ومكركب
قرفان:يعني مش طايق حدى ولا طايق حالي
فاقعة معي:ولعت معي مش قادر اتحمل
متكندر:شايف الدنيا كندرة كبيرة بس أصغر من رجلي
خامسا: بكلمتين فقط بين كيف بتعرف الكذبة مع إعطاء مثال.
من حركة العين والقلق والارتباك
مثلا بيجي واحد بخبرك خبرية مابتتصدق بتعرف انو كذاب من طريقة كلامو بكون خايف متردد بالكلام وبرد عليك ببطء وبحاول يغير الموضوع
سادسا: فرق بين كل من ما يلي من حيث المبدأ و الاستخدام
ولا إشي, بس بلاش
ولا إشي: الذهول من حدث ما أو خبرية او عند رؤية فتاة بتجنن
بس بلاش: تدل على الشك مع الذهول
بـ حيات شرفك, بـ حيات عرضك
بقولها الواحد لما بدو يحلف
شرفك وعرضك يعني خواتك وامك بنات عمك يعني زي هيك
انا ماقدرت اعرفهم كلهم يعني غشيت شوي والله هاي المرة كتير صعبة اسألتك ان شاء الله كلهم صح
