هل ندمت يوما على صراحتك مع شخص ما ؟
برأيك هل تحتمل كلمة الصراحة أكثر من معنى ؟ ما مفهومها الحقيقي بنظرك ؟
الي بعرفو والكل بعرفو انو الصراحة راحة معناها واضح الصراحة هو ان تكون صريح وواضح مع نفسك ومع غيرك بدون ماتجرح حدى
إلى أي مدى تكون الصراحة مجديه و مفيدة؟
يعني مش دائما مجدية او مفيدة الها سلبيات وايجابيات كتيرة مابتخلص
هل للصراحة سلبيات ؟ ما هي ؟
نعم الها سلبيات احيانا الصراحة بتجرح واحيانا بتدمر وبتسبب مشاكل احنا في غنى عنها
هل تخاف / ى ـ أو تتجنب / ى ـ مصارحة الآخرين بحقائقهم ؟
انا مابخاف بس بحاول اتجنب جرح مشاعرهم وانا بكون صريحة مع الشخص اكتر اذا بكون اعرف شخصيتو ونفسيتو في ناس بتتحمل وناس لا في ناس بتتحمل الصراحة حتى لو جرحتهم وناس من اتفة اشي بنفجرو عليك
هل ندمت / ى ـ يوما ما على صراحتك مع شخص ما و تمنيت لو أنك لم تكن صريحا معه؟
لا ماندمت انا لما اصارح شخص باشي بكون عارف شخصيتو هل هو بتقبل صراحتي او لا وعلى هالاساس بكون صريحة
ما موقفك من شخص صارحته بحقيقة ما غضب منك و أنهال عليك بما لا يرضيك ؟
ماصار معي هالاشي الحمدالله
برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح .
اكيد في فرق الصراحة الها حدود يعني نكون صريحين مع الشخص بدون مانجرح مشاعره يعني بكون هدف الشخص انو يفيد التاني اما الوقاحة والجراة اشي تاني يعني بكون هدف الشخص بس يجرح ويستهزء من الطرف التاني
هل هناك وسائل دبلوماسية لمصارحة الآخرين دون المساس بمشاعرهم. ؟
اكيد في مليون طريقة نكون فيها صريحين بدون مانجرح حدى يعني الاسلوب في الكلام يكون حلو بحيث انو الطرف التاني يستفيد من الصراحة مع انها سلبية وبالنهاية يشكرك على صراحتك
ان شاءالله تكون اجوبتي صريحة
وشكرا على هالموضوع الحلو كتير اندمجت فية
