مطلوب شب من شباب فلسطين !!
المشاركة الأصلية كتبت بواسطة: صوت فلسطين;811325 استاز حسام و استاز حسين معلش تسمحولي اجاوب انا عن سؤال الاقتصاد كوني فلسطينية ساكنة بالضفة ؟!
الضفة الغربية بتعتمد بشكل اساسي في توفير السلع والخدمات على اسرائيل
يعني
احنا بالضفة بنشتهر بعدة صناعات لكن دخلهم لكون محدود لاشخاص مش للدولة بشكل عام
مثلا:
الخليل بتشتهر بصناعة الاحذية -اجلكم الله ورفع قدركم- واحذيتها مشهورة على مستوى الضفة والاردن كمان على اساس انها ماركة
بالاضافة لصناعة الزجاج اللي بيكثر الطلب عليه من قبل السياح
بيت لحم: بتشتهر بصناعة التحف والمعلقات وهالشي بقوي السياحة كون المدينة منطقة حج للديانة المسيحية
رام الله: صناعة الادوية والمشروبات الغازية بالاضافة لانها بتحوي القصرالثقافي اللي بتستضيف فيه السلطة مغنيين وشعراء وذوي مواهب عالية مثل الرسم والفن التشكيلي
بالاضافة لصناعة المنتجات الغائية مثل الشيبس والمعلبات والمنتجات الحيوانية من مزارع الابقار والدواجن
والحمدلله هالشي بساهم في دخل السلطة بشكل عام والفرد المشارك
وبوفر على الافراد فرص العمل والغذاء طبعا وهو نوع من الترفيه كمان
كل هالصناعات وغيرها ما بتغني عن الاستيراد من اسرائيل
وانا بحكيلكوا عن تجربة
يعني بتلاقي عندنا بالخليل شركات البان خير الله ومن اجود انواع المنتجات بتعطينا رغم هيك بنستورد البان من اسرائيل وبتلاقي المواطن دخل على السوربرماركت وشاف علبة الحليب الجنيدي -صناعة الخليل- جنب علبة حليب تنوفا -صناعة اسرائيل- بيحمل المنتج الاسرائيلي وبيترك العربي
طبعا ما حد مدرك انه كل شيكل بيدفعوا حق منتج اسرائيلي رح يتحول لرصاصة يقتل فيها ابنه او اخوه
طبعا هالشي مش مقتصر على الالبان وانما جميييييييييييييييييييييع المواد الغذائية بكافة انواعها
اما كما ذكرت الاحذية والادوية والملابس والمعلقات فهي اما صناعة محلية او مستوردة من الاردن او مصر او الصين
هادا بالنسبة للسلع
اما الخدمات فهي مسماة باسم السلطة الوطنية الفلسطينية لكنها حقيقة تحت اشراف اسرائيلي تام ليس للفلسطينيين يد به
بتمنى اكون افدتكوا ولو بجزء بسيط من معلوماتي
ملاحظة: هالمعلومات مش من مصدر معين وانما هي من معلوماتي اللي جمعتها عن الاقتصاد الفلسطيني ودخل المواطن تحت اشراف مديرة المدرسة
يعني ما فيها شي مش موثوق
هادي انا بعني شفت كل شي وقرأت كل شي
بتمنى ما اكون زعجتكوا او طولت عليكوا
تحياتي
ايمي
يا سلام عليكي
مشكوووووووووورة على المعلومات :greet015: