الحب والجنس
مش عارف ليش عندي شعور انو ما في حدا مسترجي يكتب عن الموضوع , انا راح احاول و انشاء الله اللي بكتبه في خير الي والكم :
طبعا كل اللي راح اكتبه بمثل و جهة نظري الشخصية , اولا الحب ما الو علاقة بالجنس , ممكن جدأ اثنين يحبوا بعض بشكل كبير بس بدون علاقة جسدية , مثلا شخص عاجز اتزوج بنت بس كان جدا حنون معها فممكن جدا تحبه و العكس صحيح طبعا. و كمان ممكن اثنين يمارسوا الجنس بدون حب , اذا كانوا متزوجين فمعتاها في خلل في العلاقة بينهم احدهم او اثنينهم السبب , اما اذا كانوا مو متزوجين فبتكون علاقة حيوانية يعني اتنين من البهائم و الله يعافينا. المشكلة انو كتير من العلاقات خارج اطار الزواج بتكون البنت مفكرة انو الشي بحبها الحب اللي هي متخيلتوا بس للاسف غالبية الشباب بكون الجنس عندهم هدف بحد ذاتو وما اسهل انو يترك البنت بعدها و مش بس هيك ممكن كمان يحملها مسؤولية اللي صار.
الشي اللي البنات مو قادرين يفهموا او بتغاضوا عنه انو الشب ممكن جدا يظهر مشاعر و يستثار حتى بالنظر و يصير يحكيلك اشعار و روايات عن جمالك بس اللي لازم تعرفيه انو لما عن جد يبلش يحبك راح يصير هدفه الارتباط و بس , و صدقيني على قد ما ترفضي تمنحي و لو حتى لمسة ايد على قد ما راح يتمسك فيكي اكتر , اذا كان بدو يلعب راح يزهق و يختفي من حياتك , الحب عند الرجل ما بصير بسهولة بدو وقت و بدو عشرة(بعد الزواج طبعا) عشان هيك انا ما بصدق انو واحد حب وحدة قبل الزواج الحب اللي البنات بتخيلوا لانه ما عاشوا سوا و لا مرت عليهم ايام صعبة و اللي هي كفيلة انو تختبر الحب. كل المشاعر من طرف الرجل قبل الزواج هي مشاعر اعجاب , بصراحة ما بقدر احكي عن البنات بس يا ريت بنت تحكي.
الجنس مستحيل يولد الحب , الحب نتيجة عشرة و تجارب اتنين بخوضوها سوا و بضحوا من اجل بعض. الجنس بيجي بعد ما ينضج الحب و يثبت الطرفين التزامهم بحبهم من خلال الزواج و الجنس بشكل قمة القرب بين الطرفين. عمرك لا تحاول تطلع لقمة الجبل من خلال وسيلة غير شرعية احسن توقع و تلاقي حالك في قعر الوادي.
