سؤالفي وقت ما لكل الصبايا اللي رافضين تعدد الزوجات : ممكن افهم ليش رافضين ؟ لما ربن

لكل الصبايا اللي رافضين تعدد الزوجات :

ممكن افهم ليش رافضين ؟ لما ربنا سمح للرجل ان يتزوج 4 ما تتوقعوا انوا ربنا عارف انوا الرجل قادر انو يكون متزوج 4 ؟ بعدين الرجل لما يتزوج بنت تانية هاي البنت التانية جابها من كوكب الارض و لا من المريخ ؟ مش هي كمان بشر من حقها تتزوج و تخلف و يكون عندها بيت و زوج حنون متل ما انتي بدك ؟ عندكم فكرة عن نسبة العنوسة عنا في الاردن ؟ لو ضفتولها نسبة الارامل و المطلقات بتعرفوا كم بتصير النسبة ؟ بتعرفوا انو الاصل في الاسلام هو التعدد و الزواج المفرد هو الحالة الشاذة ؟ بتعرفي انوا عدد النساء اللي راح يستفيدوا من التعدد اكبر بكتير من عدد النساء اللي راح يزعلوا بسببه ؟ بتعرفي ليش ؟ لانه قدام كل بنت متزوجه اتزوج عليها زوجها في بنت مستفيده يعني هيك صاروا قد بعض هلا مع كل زوجة تالتة او رابعة بزيد عدد المستفيدات من التعدد بأضعاف اعداد الزوجات الاول. يعني اذا كنتوا بتأمنوا بالديمقراطية و عملنا استفتاء بس بين النساء راح النساء نفسهن يصوتن لصالح التعدد.

اساسا الشب يلا قادر يفتح بيت لوحدة بس اذا كان قادر و الله معطي لازم يتزوج كمان و لازم زوجته تشجعه كمان , بعرف مستغربين و بدكم تضروبوني بس اللي بجامل في هيك مواضيع بكون كذاب , في ناس ممكن يسموا انسان عصري او open minded بس هو طلع نزل بظلوا كذاب.