اعترافاتنا الشخصية ...!!
المشاركة الأصلية كتبت بواسطة: noughty girl;725045 كيلاني
نصيحة حاولت فيهاا
بس على الفاضي
وعنجد حتّى السبب ما عم اعرفه ...
هيك فجأة ..
وخايفة كتير ...
هاي الحالة بتصير مع الكل
والحل سهل جداً
الخطوة الأولى
حاولي دايماً يكون نفسك تدرسي
خلي الدراسة بالنسبة إلك شي ممتع
يعني لما تكوني حاسة بالملل .. إدرسي
ولو صفحة
الخطوة الثانية
إعملي برنامج لدراستك
وما تخليها تكون بشكل عشوائي
وهاد البرنامج اليومي حاولي تلتزمي فيه
ورح تشوفي كيف رح تصيري تحبي الدراسة
الخطوة الثالثة
ما في حدا أشطر منك أو أذكى منك
وأنا بشهدلك بهالشي
ومستوى المواد ولا شي بالنسبة لمستوى تفكيرك
الخطوة الرابعة
عدم إهدار أي جزء من الوقت حتى ولو كان صغير
مثلاً
لو باقي ربع ساعة لموعد طلعتك عالمركز
ما تحكي إنه ما رح أقدر أدرس فيها شي
لأ
أصلاً فترات الدراسة القصيرة والمحصورة بوقت هي أحلى فرصة للدراسة
يعني ربع ساعة بتقرأي فيها صفحة مثلاً
ويمكن أكتر
أو بتحلي فيهم سؤال
الخطوة الخامسة
خلي مواد الحفظ للصبح أو بالنهار |أو حتى لحدود الساعة 9 المسا مثلاً
وبعد هيك خليها حل أسئلة
مثلاً رياضيات أو فيزيا أو حتى أسئلة عشوائية من مواد الحفظ
الخطوة الأخيرة
حافظي على الصلاة
لأنها بتعمل عندك طمأنينة
وبتنظملك وقتك
والله يوفقك :win: