مــــــغامــرات مــواسرجــي (تابع كل الاجزاء ) اُدخل للمتعه ابو راضي شخصيه في الجزء الاول

نكمل القصه يا حلوين ،،،







اجت سوسو علي بتبكي وبتقوللي انت انقذت حياه بابا يا حبيبي

انا كان نفسي مقطوع من الوقعه اللي وقعها علي الوزير .....وكنت فاتح تمي وبلاهث

وكنت اتطلع بالناس اللي بزقفوا ومش عارف لمين التزقيف فصرت ازقف معاهم وابتسم غصبن عني:110103_hlopaet_prv:

واجت سوسو مسكتني من ايدي اليمين واجا صاحبي السكران (الشفير) مسكني من ايدي

الشمال وكان طافي عالاخر وصار يحكي: يعييييييييييش اكير دكتووووووووور لتسليك المجاريييي:41:

وصرت انا انخزه بكوع ايدي واهمسله :ولك اخرس.... اخرس ...فضحتنا شو مجاري وما مجاري:rrteryuhj:

وسوسو مدقره بايدي اليمين زي اللي خايفه اهرب منها واجا الوزير كملها وعبطني من النص

صارت روحي بدها تطلع منه ..........وقاللي ودموعه بعيونه انت انقذت حياتي وانا ما راح انسالك

هالمعروف طول عمري ....وصار يبوس فيي وانا مخنوق عالاخر ...مالهم عالبوس الليله الوزيرمن

جهه

والدكتور تبع البسبس من جهه تانيه .....هدا ببوس .. وهداك بده يعمل بسبس ..شكلي واقع مع

ناس مجانين:5494a92e34:

المهم الوزير ابعد عني شوي صرت اتنفس وقال: بدي احييك بالطريقه اليابانيه احيييييييييه يا

دكتور والكل يعيد وراه احييييييييييه يا دكتور وانا اقول بعقلي الوزير صار احيييه بكره كمان الوزاره

بتصير احييه بعديها البلد كلها راح تصير احييييه

المهم صاحبي السكران نط فجاه وقال: ولكم انتوا مجانييييييييييين هدا مش دكنووووووور

هدا بس توووووووووور هدا بشتغل مواسرجيييييييي معفننن:هع:

انا اتطلعت فيه وضحكت واشرت باصبعي عليه وقلتلهم فعلا انه كلامه مزبوط

الوزير قاله : اخرس يا حيوان انت شو بتحكي؟

صاحبي السكران قاله يا سييييدي هدااااا مواسرجييييي بسلك مجارييييييي

وانا اللي لازم اكووووووووووووون مع سوسوووووووووو هلأ

سوسو زعلت وكشرت وقالتله: ولك انت ما بتستحي انا هلا بدبرك ...........يا توووووني تووونيىىىىىىىى

انا قلت بجوز توني هدا دكتور متخصص بالسكرجيه .......... بجوز يصحيه او يعالجه



ولا هو جاي توني ....ويا عيني على توني .....دبابه على شكل بني ادم.. ! :what:

طوله اكتر من مترين وعرضه متر ، شفايفه زي عجلين كاوشوك فوق بعض

ومنخاره كبييييير يعني لو بدك تقلبه على بوزه بتعمل منه عود حراث

البدله اللي لابسها بتنفع شادر او خيمه لعشر انفار ....انا مش عارف كيف امه ولدته

ميه بالميه مش ولاده.... ولا عمليه...اكيد قشروها عنه زي الموزه .....مش بني ادم بالمره:bb:


انا الصحيح حسيت حالي تبللت.... .والوضع عندي صار شتا:sweatdrop2:

وتطلعت على صاحبي لقيته برجرج من الخوف .....

ولا هي سوسو بتقوله احمل هدا وارميه بره ما بدي اشوفه هون

واجا توني رفعه بايد واحده من قميصه كانه رافع لعبه

انا الحقيقه دبت فيي الحميه وما رضيت انهم يعملوا هيك بصاحبي...شكلهم متعودين يطردوا الناس

بس هدا توني شو اعمل فيه ....مش ممكن التفاهم معه

قلت لسوسو هدا الشوفير تبعي وما بدي تعملوا هيك فيه

قالتلي مش شايفه يا حبيبي شو بحكي عنك؟

قلتلها ولو ...هو بحكي عني مش عنك وانا زلمه متسامح وما بحب العنف خلي توني ينزله

احسن ازعل واروح معه

قالتلي لا يا روحي كله ولا زعلك.....تونيييييييييي سيبه

كأنه توني رجل الي ...رد عليها بسرعه....ونزل صاحبنا ...بس الولد ناشف من الخوف:unsure:

والظاهر في عنده شتا كمان ووووو اووووووووف شكله في شويه تلج:110103_hihikaet_prv

الوزير قاله وهو ياشر باصبعه :اذا تاني مره بتتهجم راح انزلك طوني كمان مره

قلتله يا باشا انت بدك تنزل طوني لاي واحد ...اي الاصول هدا ما ينزل الا اذا اسرائيل هجمت علينا

ضحك الوزير وسوسو ضحكت ورجعت الاجواء فيها شويه فرفشه...بالنسبه الهم طبعا

اما بالنسبه الي انا بس كنت بدي اروح

الوزير قاللي انا بتشرف يا ابني انك تتغدى معنا بكره

قلتله انا والله بكره عندي شغل كتير بالعياده وما راح اقدر

قاللي طيب عالعشا؟

قلتله بحاول مع انه عندي عمليه تسليك لواحد صارله شهر مسكر

قاللي الله يعطيك العافيه عارفك بتتعب يا دكتوور بس احنا بنستناك

قلتلهم انشالله وخليني اروح عند امي ابصر شو بتعمل هلأ من غيري

ودعونا كلهم والدكتور تبع البسبس ودعني واعطاني كرته عشان اتصل فيه

وطول الطريق وهو صاحبي يبوس في ايدي عشان انقذته من توني

والسياره كانت تتمرجح كاننا بالملاهي والله ستر ووصلنا البيت على خير

انا دخلت عالبيت تسلل احسن امي تشوفني بهاللبسه اللي بتخزي:soso:

المهم انا خلص قررت اني لا اشوف الوزير ولا بنته ...يعني منيح اللي خلصت الليله على خير




ونمت نومه طويله من التعب وما صحيت الا والباب بدق دقه قويه

فزيت من النوم وطلعت افتح الباب ولا ابو راضي ومعاه شرطي واقفينلي عالباب

( ابو راضي شخصيه في الجزء الاول )

ايواااااااااااااااه وبعديييييييييييييين مع القصه اللي مش راضيه تخلص

خير اللهم اجعله خير يا ابو راضي

قاللي ولك ليش شكلك هيك

قلتله مالي شو في ؟

قاللي ولك وين حالق ؟ عند منجد كنبايات؟ ليش راسك شوارع؟:confusedxcCz:

قلتله انا حر براسي شو في عندك؟ وشغل عندكم ما بدي اشتغل.....غيره؟

قاللي لا مش شغل بس الوزير طلبك شخصيا.... ليش ؟...ما بعرف ...بس لازم تيجي معنا

لا حول ولا قوه الا بالله ....شو اعمل انا هلا؟ وهسا هدا الوزير اذا شافني والله غير يخلي

توني يفطر عليي ....شو اعمل يا ناس؟:050103hm_prv:

قلتله طيب خليني البس وطالعلك......قاللي يللا بسرعه

رحت لبست حطه (شماغ) ولفيت راسي فيها وطلعت معهم

ابو راضي قاللي ليش هيك لابس حطه ولك الدنيا زي النار

قلتله امبارح صابتني لفحه هوا ......اتطلع فيي بطرف عينه وما اعجبه الحكي بس ضله ساكت

المهم وصلنا القصر وانا ايدي على قلبي من الخوف ودخلنا جوه وقالولي استنا شوي هون

بعد 10 دقايق اجت واحده محترمه وقالتلي تفضل المهم انا لفيت راسي بالحطه زي وضحه وابن

عجلان ودخلت

ولقيت الوزير قاعد وقاعده معاه سوسو .... وبتطلع فيي بنظره منئرفه...يا روحي عاللي بده يصير

فيي......دكتور المجاري هون يا سوسو

سوسو قالت لابوها : بابا....بدي احكي تليفون مع توتي اشوفه وينه

الوزير قالها احكي يا بابا....وخليه ييجي هلا اذا بقدر لاني حبيته عن جد

انا قلت بعقلي ييجي هلا؟؟؟ شو بده يجيبه :كك:

وبلشت سوسو تضرب الرقم
المهم الوزير قاللي انت المواسرجي يا ابني؟

يا ابني؟؟؟ شو ماله الوزير... ليش تغيرت لهجته....ويا ترى ليش جابني معقول بشك فيي اني الدكتور؟
قلتله نعم انا المواسرجي....وبلش تلفوني يرن ...وصوته زي جرس المدرسه...

ويرن ويرن وانا اكز على سناني واحط ايدي عليه عشان يخرس بس مش راضي يسكت

سوسو قالت لابوها شكله مشغول كتير وما برد

الوزير قالها اكيد عنده مراجعين كتير او عمليات ومش فاضي.......... احكي معاه كمان شوي

عاودت سوسو ضربت كمان مره

الوزير قاللي اسمع يا ابني انا امبارح صار عي شغله خاصه وحابب اخلص ضميري من العالم

وانا ظلمتك قبل كم يوم وبدي اردلك حقك


وبلش التلفون يرن كمان مره وهاي المره حسيت رنته زادت.... وسوسو صارت تتطلع فيي


والوزير قاللي رد عالتلفون يا ابني

قلتله انا ما معي تلفون

قاللي ولا شو هدا اللي برن؟

قلتله هاي ساعه منبه نسيتها بجيبتي:y2:

ضحك الوزير وسوسو قلتلي طيب سكت هالزفت خليني اسمع اوووووووف شو هالبشر هاي

شو هالبشر هاي؟؟ شو هالحكي يا سوسو؟ امبارح ابوكي كان بده يبوس ايدي وهلا صرت

" شو هالبشر هاي " ..........بتحبوا المظاهر بس....والكذب والنفاق.... قلتلها حاضر هسا بسكتها

قلتلي : وحاططلي حطه زي البدو...فعلا ناس مئرفين

قلتلها شو بدك اياني احط.....ايشارب احسن؟ :nahi nahi:

قالتلي: سميت بدني الله يسم بدنك مش عارفه احكي مع توتي منك يللا روح غور قبل ما اناديلك

توني



والوزير التاني عاود صار عاطل زي بنته وقاللي خساره الاحترام مع اشكالك يللا روح انقلع

قلتله انا شو حكيت طيب؟

قاللي انت لسه بترد علي ....ناس ما بتستحي يللا غور

انقلبوا كلهم عالضعيف

انا قلت خليني اغور قبل ما ييجي توني واصير كفته

بس صممت اني اذل سوسو واحط مناخيرها بالتراب



:
:




انتظــــــــــــــرونا