مــــــغامــرات مــواسرجــي (تابع كل الاجزاء ) اُدخل للمتعه
الجــــ مغامرات ـــــــــزء الــــــــ مواسرجي ــــــرابع
مغامــرات مــواسرجي (ج4) في البـــارطي >> party
نكمل شو صار مع صابحنا المواسرجي الأزعـــــــــر ::::
طلعنا من دار ابو اسحق بسرعه انا وصاحبي وركبنا بسيارته وقاللي اسمع انا صارلي يومين
بترجى فيك وببوس ايدك عشان تروح عالحفله وانت متيسه معك وانا كمان تيست معي يعني
اذا ما بتروح عالحفله راح احكي لابوها وافضحك واخليهم يحبسوك فاهم وله؟؟
بصراحه انا متت من الخوف وقلت بعقلي والله هدا بسويها شكله مستقتل يروح عالحفله
ابصر ليش؟؟وخليني اسايره احسن يفضحني قلتله انا موافق بس بشرط انك تكون الشفير
والخدام تبعي ومترجعنيش شو بعمل فيك هناك
قاللي وهو مبسوط ولك انت تؤمر امر يللا نروح نحلقلك اول اشي بعدين بفرجها الله
والله نزلنا على سقف السيل عند ابو العبد الحلاق وشريكه ابو سليم
ابو العبد عمره بيجي 100 سنه وابو سليم متله يعني بجوز حلقوا لفرعون:كك:
ابو العبد طبعا مش قادر يقوم راح قال لابو سليم قوم خدلك هالراس
ابو سليم قام طبعا ايديه برجوا معاه مرض الرجوجه وراح طال ماكينه الحلاقه من سطل الكاز
لانه كان ناقعها فيه وبلش يكرت بهالشعر انا حسيت راسي كانه تحت كمبريصه من كتر الرج
وفتحلي شوارع في راسي من الشمال واليمين وفوق وطبعا هو مش قادر يوقف راح قاللي خلص
نعيما هي الحلاقه ولا بلاش مش زي حلاقين اليوم:Animation 249: قلتله : الله لا يعطيك العافيه يا ابو سليم ولك هاي حلاقه قاللي : ولك انا بحلق للناس ايام ما كانوا يعطوني عالحلقه كبشه زتون وانت بدك تفهمني شغلي؟؟:ranting:
قلتله : والله انت لازم تشتغل بامانه العاصمه بتخطيط الشوارع مش حلاق
المهم صاحبي عجبتوا الحلقه وراح اعطى ابو سليم ربع ليره وسيجارتين
ورحنا على دارهم عشان نلبس للحفله راح لبسني بنطلون كسم ساحل وبلوزه مليانه كتابه
وكندره الها بوز طوله شبرين بتنفع لقتل الصراصير قلتله : ولك هدا لبس طنطات قاللي : هو زابط معط لبس طنطات انت بدك لبس جنطات بس هدول الناس لازم تلبسلهم هيك
قلتله: والله انا لو تيجي العفاريت الزرق ما بطلع بالشارع هيك شو بدك يحكوا عني العالم
روح جيبلي اشي استر حالي في عبال ما نطلع من واد الحداده
راح جابلي عبايه زي تبعه العرايس ولفيت حالي فيها وطلعنا وانا مستحي عالاخر:sweatdrop2:
المهم الا هي سوسو بترن علي وبتقولي : حياتي انا بستنى فيك عشان ادلك على مكان الحفله
لاني سويتها بمزرعتنا بره عمان
انا قلت بعقلي بره عمان احسن من جوه عمان لاني مش ناقصني فضايح
قلتلها : طيب يا سوسو انا هيني جاي انا وال.........شفير تبعي استنيني
قالتلي : حاضر يا روحي
المهم وصلنا سوسو كانت راكبه سياره روفر زي تبعه سفريات عمان بغداد عمان
بس شكلها جديده وفحص واول ما شافتني سوسو قالتلي : يااااااااااااااااااي شو هالنيو لوك
اللي بجنن مين هالكوافير الشاطر اللي حلئلك هيك طبعا انا مفهمتش غير كلمه اللي حلئلك:110103_hihikaet_prv ويااي ، ففهمت انها عاجباها الحلقه قلتلها : والله انا هدا الحلاق تبعي ياباني وهاي الحلقه اخر
موديل اسمها فتحه بالسقف
قالتلي: بتجنن بتهوس ياااااااااااااي انا مش مسدئه حالي انك معي يللا الحئوني بسرعه لانه المعازيم كلهم بستنوا فيك
والله لحقناها بسيارتنا اللي قربت تفتق وهي تمشي ومش ملحقه لولا انها سوسو كانت تخفف
سرعه المهم وصلنا لبوابه كبيره وفتحولنا الباب ودخلنا وهون بلشت المصايب
:hpghh:
سوسو كانت واقفه عالباب مع خمس بنات وكلهم ببحلقوا فيي وبفركوا بايديهم كانه عمرهم
مهمو شايفين واحد متلي مع انه البلد مليانه.. !!!!!!!!!!!!!!!!!! >> :slap:
سوسو قالتلي: بعرفك على نانا صاحبتي......... ولالا......... و فوفو.............ورورو وسكتت عشان اسلم عليهم
رحت قلتلها معرفتيناش عالاخت الخامسه قالتلي لاااا هدا مش بنت هدا ابن عمي خلف.. !
انا صار وجهي احمر ....الله لا يوفقك يا خلف على هاللبسه وحاطط حومره كمان يا خلف:chair:
المهم انا قلت اذا خلف هيك معناته انا ارجل واحد بالحفله
والبنات يحكوا يااي بعئد قلت بعقلي انا صاير اعئد زي العئيده وليلتنا شكلها طويييييييييله
سوسو مسكتني من ايدي وقالتلي: تعال اعرفك بباقي المعازيم ودخلنا ولحقنا الشفير (صاحبي)
واول ما دخلنا شفت شوفات عجب نسوان لابسين فساطين وجه واحد يعني من قدام في قماش
ومن ورا زي قناه زووم ول عليكم بهاللبس اكيد مسترخصين تدفعوا حق الوجه التاني يا بخلا
واشي مشقوق واشي ممزوع واشي فش اشي
المهم انا انعمى ضوي وصابني توهان
في 3 رجال واقفين لابسين بدلات رحت بدي اسلم عليهم الا هم اجو بسرعه وانحنوا قدامي
وسلموا باحترام كبير الا هي سوسو بتقولي: يا الله شو جبيتها منك هاي انك تسلم على الخدامين
عاد انا لا عارف خدامين ولا غيرو واجا واحد حامل صينيه مليانه كاسات عصير رحت مسكت كاسه
وكربعتها بسرعه بس حسيت روحي بدها تطلع ولك شو هدا طعمه زي الزفت
قالتلي سوسو: هدا براندي قلتلها انا بعرف البرندي عـ برتقال مش زي هدا على .......لمون
وصاحبي نازل كبس بهالكاسات الله لا يوفقه والل ماني عارف كيف بشرب هيك عصير
المهم رحنا سلمنا عالوزير وصار يجاملني ويحكي حكي حلو انا جيت بدي اقوله وين ال20 ليره
بس قلت لبعدين راح قاللي انا محضرلك مفاجاه راح تعجبك احنا عزمنا السفير الياباني والحقيقه
محدش فينا بفهم ياباني الا انت فبدنا تجامله شوي
انا قلبي سحل لتحت اجريي شو بدي احكي معه هدا رحت شديت صاحبي ووشوشته : ولك
شو اساوي معاه هدا راح قالي مش انت الدكتووووووووور دبر حااااااللك قلتله مالك لسانك صار
على جهه شكلك زي السكرانين ولك
المهم رحنا عند السفير وطبعا كلهم حواليي بدهم يعرفوا شو بدي احكي معه
السفير قاللي كلمه متذكرها هي سيونارا فرحت انا قلتله ميتسوبيشي هوندا تويوتا
ابتسم السفير وصار يبرطم بحكي لو انه بالعربي بفهموش
فرحت قلتله نيسان سوزوكي اسوزو
طبعا الكل مبحلق فيي وببتسم ومكيفيين اني بحكي مع السفير
السفير بلش يكشر ويبرطم بحكي وانا نازل عد بهالسيارات
اخر اشي قلتله سيوناره تويوتا راح انحني وانا انحنيت وخبط راسنا ببعض:050103gig_prv:
وصار يضحك والناس مكيفين الا هو الوزير قاللي : شو حكالك؟
قلتله بحكي انه انتوا ناس كويسين وانه البلد على راسي عاد هو بده يشد شعره:110:
راحت سوسو قالت: يا جماعه في كلمه لازم نحكيها كلنا للسفير وهي انت على راسي
بس بالياباني وهي كلمه احيييييييييييه
وكلهم بصوت واحد صاروا يحكوا احييييييييييه احييييييييييييييه احيييييييييييييييه
انتظروا البااااااااااااااقي :Jordan: