افتتاح قسم الشكاوي المواطنين الاردنين
مرحبا عماد انا شاكر الك كتير على هذا الموضوع الجميل
اولا انا عندي مشكله كبيرة بس بدي رأيك
انا مولود بالزرقاء و درست فيها من الاول الى العاشر و بعد العاشر كمان و انا بحب الاردن كتيييييييير كتييييييييير لأنها بلدي انا مشكلتي اني هسة بمصر
انا اجيت بهدف الزيارة اولا بعدين لما اجيت اسافر حكولي انو في علي خدمة علم 3 سنين انا بصراحة صابني اكتئاب لدرجة اني فكرت في الانتحار و العياذ بالله
ما صدقت اني رح اقعد 3 سنين في بلد ما بعرفها و لا بعرف حدا فيها و لحالي كمان المصيبة
المهم في ناس طمنوني اني مش رح ادخل الجيش لأني مولود بالاردن و ورقي كله من الاردن شهادة الميلاد و شهادات المدارس و جواز السفر صادر من عمان من السفارة المصرية
و بالفعل ما دخلت و الحمد و الشكر لله طبعا و انا هسة قاعد بخلص شوية اوراق من امن الدولة و المخابرات المصرية عشان اسافر
صارلي هون بمصر من 13/1/2007 و الله قرفت حالي كأني سمكة و طلعوني برة المية
و هسة عشان ادخل الاردن بدها موااااال طويل لازم عقد عمل و سولافة الها اول ما الها اخر
مع اني حاكي مع ناس كتير بموضوع الجنسية و ان شاء الله اول ما ارجع اول شغلة رح اسويها اني اسعى بموضوع الجنسية لأني فعلا لما بعدت عن الاردن حسيت بقيمة الوطن
ف حاب استشيرك شو اسوي
و هل انا ابن الاردن او ابن مصر
مش عارف مع انه كل انتمائي و وفائي للاردن و مستعد افديها بدمي و الله
يا ريت تساعدني يا عماد
و شكرا كتير على موضوعك المميز و الرائع
