رد: قصه تايه,, يـوم كـنـت ( صغـيـــر ) يقولون جنّي ........ مـاخـبر ورع ٍ صغيّـــر مااشتك

* كـنـت مـوذي والـوذا مخـلـوق مـني
........كـنـت اشــقـى طفـل مـولـود بـزمـاني


* اتـشـخـّـص بـ(الـطـاقـيّـه) يـاعـنــّـنـّي ‍‍
...........صـرت اغـازل واعـرف اسـلوب الغواني


* كـل بـنـات الـحـارة كــانن يعـشـقـني
.........ابتسام..وهند... واحلام....وتهــــاني


* من قبل لااقول .. طيري.! يلحـقـنـي
........ويحـبـشـنـّي مـن قـبـل لااصـل مـكــاني << وناااسه

* كـنت بالحـاره مـن الطـيـش احـسـبـني
..........سـنـدبـاد الـلي عـرف سـّر الـمـواني

* كـنـت أوسـوس بالشـعـر من صـغر سـني
......... وألمـس جـروحي عـلى شـانـه واعـاني

* ليـن فـي مـّره .. ‍ وانا مـاشـي واغـنـي
.......... رايـح لـدكـّان عــدنـان الـيـمـاني

* مـّّرني خـنجـر غـلا عـشـق وطـعـني
.......... جــايني من وين ؟ مدري بس .. جاني

* وش تـبـون بقـصـتـي يخـرب مطـني ..
............. ما ضـحـك غـيري عـليّ ولا بكـاني

* اسمعـوا بـوح الحـنـيـن اللي سكـني
............. واعـذروني لا خـذل حـرفي لسـاني

* لا تـعـّدون الـسـهـام الـلـي رمـنـي
.............وتسـألوني ويش كثر عـوج المحاني

*احـسـبـونـي طـفـل مـحـتـاج لــتبـني
عـن حسـدهـم حافظ السـبع المثـاني

* وازرعـوني بـالـعـيـون الـلي جـفـني
......... واقطـفـوني مـن عـلى خـضـر المعاني

*اطـعـنوا صـدر اليـقـين بـسـيف ظني
.......... واشـربـونـي دمّ لـو جـرحـه نسـاني

* اسمحـوا لي بين( قوسـيــن ) التجني
.......... آخـذ المجـني عـليه بذنـب جـاني. ‍‍

اه .. منه وااااه .. منكم.. واااااه مني
...........من نبش فيكم ورى الصمت وحكاني !! ؟؟


* ايـه امـــوت بـدونـه وأحـيــا كــأنـي
....... عـايـش بـدوني غـيـاب انـسـان ثـاني


* والله انـّه بـالـوهـم يـوم يـحـضــني
.........طـيفـه يـصـّدق . ‍ وانااذووووب بحناني


* أكـذب الصـدفـه واصـدقـهـا واهني
.......... واجـرح السـاعه لاجـل خـاطـر ثواني


* واسـألـوا بـنـهـايـة المـشـوار فـنـي
....... من وشـم جـرحـي عـلى صـدور الاغـانـي.؟


* وعـلـمـوني ويش يـقـول الشـعـر عني؟
....... هـو أخـذ مـن حـسـرتـي.؟ والا عـطاني!!