سعودية..
شاكره لكم تفاعلكم بالموضوع اخواني واخواتي الأعزاء ..
الأخ CR!M!N@L والأخ D-Jo
صليت صلاة الأستخارة كثير والله
ودعوتي كانت اذا كان في خير بعلاقتنا الله يقربنامن بعض ويجمعنا بالحلال واذا كان في شر بعلاقتنا الله يبعدنا عن بعض ..
والله اكتشتفته والله ان كل ماادعي هذا الدعاء اقرب منه اكثر ..
وبصراحه لو امي وافقت بتساعدني كثير ..
لكن للأسف محد واقف معي بالبيت
مااقدر اقول لاخواتي ولا لأبوي الا توافق امي ..
وانا اعرف شباب الأردن والله انهم ناس طيبين انا من اول احب اهل الشام والله وزاد حبي الهم بعد ماعرفته كثير ...
ــــــــــــ
القناص
يااخوي الطيب القصه مو على اموال وخليجي وشامي ووو
عندنا هنا عادات قبلية من العصر الحجري
خصوصا انا كبنت لازم اخذ واحد ولد قبيله ومو اي قبيله !
اما الأموال والله مو مهمه عندهم كثر مامهم عندهم القبائل ... كرهت القبائل
يااخوانا انا بالسعوديه مين يحق لي اخذ منهم
اهل نجد واهل المنطقه الشرقيه فقط
اهل المنطقه الشماليه لا الجنوبيه لا الغربيه لا
تخيلوا وهم سعودين مثلي مثلهم !
ويااخوي القناص امي كانت تحب هالشاب اول يوم ماكنت اسولف عنه ودايما تسأل عن حاله وحال اهله
بس يوم ماصارحتها والله كرهته بشكل ..
قلت لها بيكلمك مارضت تكلمه
احيانا اقول انا استعجلت وقلت لها الحين ...
لو انتظرت كان افضل وبرضو الشاب من عمري ولسى يدرس واحنا عندنا عادات متخلفه وقت الخطبه وخساير اكيد مابيقدر عليها الحين يعني لو توظف ببين لأهلي انه جاد اكثر لكن السؤال بعد سنتين بعد مانتعلق ببعض اكثر ويمكن اضيع من حياته فرص حب اسهل مني ..
هل اهلي بيوافقون او لا ..
ـــــــ
الـزيـــر
مثل ماقلت لأخوي القناص
امي كانت تحبه
ودايماً تسأل عنه
بس صارحتها بلي بينا كرهته كثيررر ...
على فكره اهلي كلهم يعرفوه بس يعرفوا كصديق عندي على الماسنجر لااكثر
اخوي الصغير يحبه ويسولف معه
اختي الي اكبر مني تعرفه
الباقي مايعرفوا عنه شيء
وابوي يعرف شيء سطحي جدا ..
المشكله مو بالسكن
شوفوا ا خالتي متزوجه عراقي
وعارفين الحال الي بالعراق
فأمي تشوف كيف عايشة متبهذله وماتقدر تسافر ولا تطلع وعيشتهم الله يعلم فيها
امي تقول ماتضمنين شيصير ..
هذا الي معقد امي اكثر زواج اختها مع عراقي وبهذلتها معه ...
بس برضو يحق لي اختار الحياه الي ابيها ...
ـــــــ
ميرندا
يااختي ميرندا حطي ببالك اني سعودية
يعني امور الزواج عندنا صعبه ومعقده
وقصه انه يتصل على ابوي معناها بيومها ننقل ابوي على المستشفى ...
ميرندا والله بالنسبه لي ماقدر اتركه ..
بس احيانا علشانه اجلس افهمه اقول له ظروفي وحياتي ويقول ماعليش نتنتظر انا لسى ماتخرجت ولاتوظفت خلينا نشوف ايش يصير بهالسنتين ..
والله يااختي احيانا اتهاوش معه هوشه طوووويله علشان يتركني :nosweat:
عارفه معنى هوشه 5 او 4 ساعات
لا عصب كثير كثير طلع من المسانجر هذا اكبر شيء شفته طول الفتره الي راحت
والله لو انه شخص ثاني كان قال ايش يصبرني عليها وايش حادني عليها ..
ـــــــــــــــــــــــــ
شاكره لكم تفاعلكم كثير
الله يجزاكم الجنه يارب
بأخذ رايكم بشيء ...
انا افكر اني ماتزوج لين مااعنس وتقل فرص زواجي .. تتوقعوا اهلي بيوافقوا صح ؟
كثير عندنا لاكبرت البنت يتساهلوا مع زواجها
