الحب عن طريق النت ماذا يعتبر , ادخل وحط تعليق بسيط
وملاحظ في شباب بلشت توصف بالحب كأنهم اصحاب
يا جماعه الحب مش كلمات منكتبها
شو ما حكينا صعب تعبر عن شي
لانه الحب موجود بس في ناس مو شايفيتو
حتى لو انه صعب نشوفو
لكن شي حلو لو نقدر نحسو
الحب طول عمرو اسمو حب
ما في شي اسمو حب نت وحب واقع
قي النهاية الشبكة العنكبوتية موجوده في واقعنا يعني مش جاي من عالم تاني
لانه هلأ ازا انا حبيت انسانة على النت وبعد فترة رجنا اجتمعنا
ومشينا واكلنا وتسلينا مع بعض ... يعني انا هيك صار عندي حب نصو نت ونصو واقع ؟؟
الشغلة في اظهار الاحساس وكيف تعبر عن الاحساس اللي جواتك حتى لو كان بدون كلام
حتى لو تضلك ساكت لكن جواتك شي رح يفهمو لانه انا ما بدي فرجيه الحب
انا بدي احسسو بالحب ومدامو بيحبني اكيد رح يحس فيه
لكن في الزمن هدا
دليل على انه الحب صار شي فاشل واحنا اللي خليناه هيك الحب احساس مظلوم
انه احنا في الوقت الحالي عم بنقسم الحب متل ما بدنا
حب واقع وحب نت وحب زواج وحب تسلاي وحب اخر الليل وحب ابصر شو
في الاخير كل هي الشغلات اللي انتوا بتسموها غلط وما اسمها حب فيكم تسموها شو ما بدكم
لكن في النهاية رح يكون اسمو ... " حب " فقط حرفين مش اكتر ولا اقل
هدول الحرفين اللي لازم نآمن فيهم
والحب هو بيقسم حاله هيك
حب الله
حب النفس
حب العائلة
حب العيش
حرفين فقط مو عارفين نستخدمهم بشكل صحيح
كيف رح تعيشو فيه بعمقو والمعنى العظيم للحب
يعطيكم العافية
واسف على الاطاله
