حصص الخصوصي
الله يعطيكم العافيه ياشباب المنتدى
وربنا يوفق الجميع وينجح كل طلاب التوجيهي
انا مدرس رياضيات وبحكم تجربتي بالتدريس داخل المدرسة واعطائي ايضا دروس خصوصي لطلاب التوجيهي وجدت فرق كبير جدا بين الخصوصي والمدرسة للاسباب التالية :
1 ) عدد الطلاب بالصف كبير كتير . يعني صعب جدا اعطاء امثلة بشكل اكتر او تنويع الافكار في الاسئلة
2 ) وقت الحصة كتير ضيق يعني ما بكفي لشرح او حتى لمتابعة الطالب داخل الصف
انا بشوف الخصوصي افضل للطالب من المدرسة طبعا مو اي خصوصي يعني الشرح يكون بحق الله
مثلا انا لما اشرح للطالب ما بنظر للساعه ولا بفكر بالجانب المادي نهائيا قدر ما بهمني انو الطالب يفهم الدرس
وتانيا ما بحاسب على الساعة بحاسب على الدرس لانو كل طالب الو قدراتو وما بقدر اعطي على الساعه لانو ممكن درس يوخد ساعه لطالب اما طالب تاني ممكن يحتاج لساعتين وهادا الشي قدرت من ربنا ما بقدر اني ما اخذها بعين الاعتبار لذلك لما احاسب بحاسب على الدرس مو على الحصة بالاضافة لانو بعمل للطالب جلسات حل اسئلة طبعا هادي مجانية الجلسات لانو بحب اتأكد من انو هل فهم الطالب الدرس وبالامانة ياشباب المنتدى اذا حدى بحتاج حل اي سؤال بالرياضيات يبعتوا على المنتدى وبأذن الله راح اساعدوا بأيجاد الحل
