رجال النت ...وبنات النت ...
المشاركة الأصلية كتبت بواسطة: dodo;32205 لحون هون كلامك صح .. يعني البنت لما بتحط عقلها براسها ممكن الشباب يوقفو كزب ..كلام صحيح مهو خلينا بالسليم
بس للاسف النت هالأيام صاير لهالحكي الفاضي ..
لما تيجي البنت تعرف عن حالها اول ما تبلش ابوي دكتور بامريكيا انا نولدت هناك انا سكان عمان في ضاحيت اليسمين عنا اربع خمس طعشر سيارة اخوتي مهندسين ودكاترة وبتبلش من هالعرط وبترمي على الماسنجر هون الشب شو بيحكي هي احسن مني يعني وببلش اذا ابوها دكتور بيصير ابوة عالم ذرة وببلش يعرط عرطات كل وحدة اكبر من حرم جامعة اليرموك طيب مش عيب لو اول واحد صادق مع التاني كان التاني صدق
يعني انا من بيت محترم مؤدب من عيلة متواضعه دخلنا والحمد لله مستورة ومكفينا عنا سيارة كيا سيفيا متلا ابوي بيشتغل موضف في التربية او بالجيش يعني هون الواحد لما يقرا السي في تبعها غصبن عنو بدو يصدق معاها مش ضايل غير يحكو انا انولدة بمطعم ماكدونلز عيب يا جماعه وحدو الله واحنا لازم نطلع شعار
لا للعرط نعم للتواضع
يجماعه خلينا عقلانيين شوي محنا بالاردن ماكلين هوى وملتع سلسفيلنا يعني الكل عارف البير وغطاه قولات ابو عواد اشي غاد