رد: هذا ايميلي ممكن نتعرف

المشاركة الأصلية كتبت بواسطة: صغيرة عالحب;260497 اولا بحب اشكرك كتير على موضوعك الحلو
خليني افوت بالموضوع..

حبيبتي البنت قبل ماترتكب مصيبة بتضرها لازم تفكر قبل ولا لشو الله خلقلها مخ!
بعدين انا ما بقتنع انه البنت صارت تحكي مع شب او مثلا نحرفت وصار بنت مو منيحة بكل انواعها
يعني بتشرب مخدرات وبتحكي مع شباب...الخ
من اهلها!!

صحيح مرات بيكونوا الاهل عم بخنقوا اولادهم بتصرفاتهم واحكامهم اللي بفرضوها علينا
بس مع هاد الشي مابيمنع انه احنا نكون اوقياء وبنات مناح..

يعني البنت قبل ماتحكي مع شب لازم تفكر وتعرف انه هالشي غلط وممكن يفقدها ثقة اهلها فيها تاني مرة
والبنت بتكون واعية انا بحس من عمر المراهقة هو صحيح بيسموه سن الطيش
بس مو طيش بكل افعالنا واقوالنا..

عشان هيك مبدأ الحياة الرئيسي هو العقل!
لازم تفكري قبل ماتعملي اي شي بحياتك سواء كان شر او خير
عشان تقدري تكملي حياتك وتفهمي الحياة مزبوط..

بس احكيلكم متى البنت بتفهم وبتبدأ تفكر لما مثلا تحكي مع شب وهالشب هاد يطلع ابن حرام ويئذيها
بشرفها واخلاقها وسمعتها.. بعدها البنت راح تعرف هي وين غلطت وتتأسف لحالها اول شي بعدين لربها ولاهلها..

وبعدها راح تتغير وتوب وماتعود ترجع للغلط مرة تانية الا ازا بتكون انسانة ضعيفة بتلحق
ورا شهوات النفس المغرية وبتسمع كلام النفس الامارة بالسوء اللي لازم هاي تكون داخل اي انسان على وجه الارض عشان هيك احنا لازم نكون اقوياء عشان نتحدى هالنفس الامارة بالسوء وماتجبرنا عالشي الغلط...

والله يحمي شباب وبنات المسلمين يارب..
وسامحوني على انفعالي الشديد بس لانه والله عجبني الموضوع كتير وحبيت ابين انه البنت لازم تفكر
قبل كل شي..

برجع بشكرك حبيبة قلبي اية على موضوعك الرائع متلك..
وتابعي تميزك والى الامام دوما..