كرسي الإعتراااف
اصحي ليش نايمة :1:
والله يا فرح انا بحبك متل اختي بالزبط وبتعرفي الرابط الاخوي اللي بينا :hug:
بس لا يعني ذلك اني ما رح اسئلك :1:
صحيح قبل ما نبدأ بتردي ع اسئلتي حتى لو كانت مكررة
- اسمك الحقيقي...؟
- سنك...؟
- طاحونتك...؟ :nosweat:
- عنوانك...؟
- جنسيتك...؟
- الجنس...؟
- الديانه...؟
- الطول...؟
- الوزن...؟
- وحدة الدم...؟
- لون بشرتك...؟
- لون عيونك...؟
- لون شعرك...؟
- علامات فارقه...؟
- الرقم الوطني (( بتقدري تحطي بداله رقم التلفون )) :tomato:
- شو هي هواياتك بعيداً عن النت..؟
- كيف علاقتك بربنا ...؟
- بتصلي ...؟
- محجبة ولا لأ...؟
- طيب كم كان عمرك بس تحجبتي اذا محجبه...؟
- بتحطي مكياج بس تطلعي...؟
- بتصومي برمضان ولا الدخان بيمنعك...؟ :cry2:
- شو اكتر طبخه بتحبيها...؟
- شو نوع خطك امنية ولا زين ولا ...الخ (( مع اختيار نوع التعرفه واسعار المكالمات ومميزات خطك وعيوبه )) :nosweat:
- كم بتصرفي على تلفونك شهرياً....؟
- لو تيجي يوم من الايام وحده من صاحباتك وحكتلك اعطيني بدي اعمل ميسد كول لحبيبي وهو بيرن علي بتعطيها... ؟
- لو كنتي ماشيه في الشارع وكان في ولد صغير بيقطع الشارع وكان في سيارة مسرعه ماشية في اتجااهه ورح تدعسو كيف بتتصرفي ....؟
- كم مرة بتتحممي في السنة...؟
- شو نوع الماده الكيميائية اللي بتحطيها ع شعرك...؟
- كم بتاخدي معك مصروفك ع المدرسة..؟
- حدا بيوصلك ولا بتروحي قزدرة...؟
- شو بتشتري بالعاده من المقصف...؟
- بتحبي اصحاب المسد كول... ؟
- شو هدفك بالحياة...؟
- شو امنيتك في الحياة..؟
- شو شعارك في الحياة...؟
- حكمة بتردديها كتير...؟
- حكمة ما بتآمني فيها...؟
- بيت شعر بتحبيه كتير..؟
- صاحبتك الروح بالروح زعلانه منك كتيير كتير وفجأة مرضت (بعيد شر الله لا يقدر ) بتزوريها ولا بتخافي تفشلك..؟
- لو مرة صحيتي من النوع وشفتي بسة نايمة جنبك شو بتعملي ...؟
- لو كنتي ماشية في الشارع وبتضحكي وصوتك طالع فجأة مرقت ختيارة كبيرة في العمر وحكتلك استحي على دمك وضبي صوتك شو بتردي عليها ...؟
- بدي تحكيلي عن الحب هالايام والشباب اللي بتعتبر الحب تجربة حياتيه رح تخلص عند عمر معين وتقارنيه مع الحب زمان (( بدي صفحتين ونص شرح )) :greet015:
- طيب شو اكتر لون بتحبي تلبسيه...؟
- انتي ماشية في حياتك ضمن خطه وبتنجزيها..؟
- في عندك مقابلة مهمة لناس مهمين بخصوص عمل بيأمن حياتك وبيحقق اهدافك كيف ترتيباتك للقائهم...؟
- انتي من النوع اللي بتاخدي فكرة عن الناس من اول موقف...؟
- ممكن تاخدي موقف عن شخص معين بدون ما تعرفيه لكن عن طريق ناس تانيين بيحكو عنو ...؟
- الشب بيبطل يستخدم عقلو لما بنت تلفت انتباهه .. البنت متى بتبطل تستخدم عقلها...؟
- لو اجتك رساله حب مغلقه .. مين اول شخص بتفكري يكون باعتها..؟
- بتأمني بالهبل..؟
- شو رأيك بوسائل النقل العام وخصوصا في المجمعات...؟
- شو رأيك بالناس اللي بتضلها تحكي كتير يعني بتحشر حالها بكل شي...؟
- انتي منهم ...؟
- شو موقف اعرابك لو بسه مااتت قدامك...؟
- شو بتعملي في وقت فراغك....؟
- شو الشغلة اللي بتتمني تغيريها بحالك...؟
- طيب شو الشغلة اللي بتعتبريها ميزة فيكي....؟
- لمين بتلجأ فرح لما تكون زعلانه ومتدايقه...؟
- بتتكلمي مع شخص مهم في حياتك وعندو مشكلة وبيبكيلك بحرقه كيف ممكن تهوني المشكلة عليه...؟
- صاحبيتك طلبت منك تلفونك لمدة شهر بتعطيها ياه...؟
- طيب كندرتك...؟
- شو اكتر شي بتحبيه في الحياة...؟
- طيب شو اكتر شي بتكرهيه في الحياة...؟
- واكتر شي بيعجبك في الشب شو هي...؟
- واكتر شغلة بتكرهيها في الشب ....؟
- لو حذرتي اختك من شي وهي ما ردت عليكي وعملت اللي في راسها ورجعتلك بتبكي وبتحكيلك يا ريتني رديت عليكي يا فرح .. كيف بتتصرفي معها .. بتصرخي عليها وبتحكيلها انا حذرتك ولا بتساعديها ولا بتحكي لامك او ابوكي...؟
- شو اكتر لو جرابات بتحبي تلبسيه...؟
- كم شوز عندك...؟
- شو اكتر برنامج بتابعيه...؟
- شو اكتر دعاي بتحبيها...؟ :tomato:
- بتآمني بحب مهند ونور...؟
- طيب حب لميس ويحيى...؟
- شو رأيك بالمسلسلات بشكل عام وانتي من النوع اللي بتتأثر بالتمثيل...؟
- احكيلي شو اولوياتك في الحياة...؟
- كيف بتنظري للمستقبل...؟
- كيف بتنظري للماضي...؟
- شو رأيك بالشحادين وهل هم بيتخذو الوسيله الصح لكسب لقمة العيش ؟؟ وان كانو عاجزين عن الشغل ...؟
- بتعتبري الشب اللي بيكون ماشي وحاط بتمو سيجارة هالسيجارة بتزيد من قوة شخصيتو كرجل ...؟
- لو كنتي راكبة في تكسي لحالك وانتي في التكسي تفاجئتي انه السايق راح من طريق غير الطريق اللي بدك تروحيلها وسأتليه وحكالك ما بوصلك للمكان اللي بدك ياه غير لما تكشفيلي عن شعرك كيف بتتصرفي (( لا سمح الله ))...؟
- موقف احزنك...؟
- موقف كل ما بتتزكريه بتتندمي....؟
- موقف سيارات بيعجبك...؟ :tomato:
- اكتر نكته ضحكتك (( بالعربي احكي نكته حلوه ))...؟
- لو ابوكي حكالك من بكرا ما في دراسة ولا مدرسة وسحب منك الموبايل شو بتعملي...؟
- لو اهلك بدهم يجوزوكي لشخص انتي ما بدك ياه كيف بتتصرفي...؟
- رحلة طلعتيها وقديش نبسطي فيها...؟
- رحله طلعتيها وقديش كانت سمة بدن...؟
- رحلة نفسك تطلعيها...؟
- مين هم الاشخاص اللي في المنتدى بتتمني صداقتهم...؟
- كم ساعه بتشبكي نت في اليوم...؟
- كيف اثر النت على حياتك..؟
- شو في سلبيات في المنتدى...؟
- طيب شو الايجابيات...؟
- كم وجبه بتاكلي في اليوم..؟
- هل انتي انسانه فضولية وبتحبي تعرفي كل شي...؟
- عمرك دخنتي...؟
- طيب ارجلتي..؟
- طيب يللا عاد بلا لف ودوران...؟ :1:
- بس تصحي من النوم شو اول شغلة بتعمليها غير انك بتغسلي وجهك وبتسألي عن الفطور...؟
- الوقت شو اهميته في حياتك...؟
- كيف مقسمة حياتك من ناحية روحات وطشات وزيارة الاقارب والنت والدراسه...؟
- بتلبسي ساعه في ايدك...؟
- شو رأيك بسعر سحارة البندورة .. قصدي بالغلاء المعيشي...؟
بكفي أسئلة :greet015:
لا ما بكفي :1:
- شو نوع موبايلك...؟
- قديش حجم الذاكرة اللي فيه...؟
- طيب فيه صور خاصه...؟
- ممكن اشوف... ؟ :cry2:
- وين بنلاقي فرح لما تكون في قمة الحزن...؟
- شو هي احلى مرحله دراسية في حياتك...؟
- بتحبي الشب اللي بشوارب ولا بدون شوارب بلحية ولا بدون لحية سكسوكه مع شوارب ولا سكسوكه بدون شوارب...؟ :cry2:
- ممكن بيوم انك توقعي بحب شب انتي اطول منه ...؟
- بس تتجوزي على خير ناوية تشتغلي بشاهدتك ولا ناوية تبروزيها على الحيط....؟
- طيب انشالله بكرة بس تتخرجي على خير وين اكتر اشارة حابه تبيعي عليها جرايد...؟
- طيب ازا زوجك ما وافق انك تشتغلي وانتي بدك تشتغلي ...؟
- اكتر شخص بتترحمي على ايامه قديش كانت ايامك حلوه مع هالانسان...؟
- بترشي عطر...؟
- شو نوعه...؟
- رشيلي شوي...؟ :7zol:
- بتحسي حالك انك مقصرة في دينك ...؟
- لو الزمن يرجعك لورى شو الشغلة اللي بتعدليها....؟
- لو اختاروكي لتشتركي في مسابقة ملكات جمال العالم بتوافقي ....؟
- طيب لو صحلك تصيري مغنية او ممثلة عالمية مشهورة بتوافقي ....؟
- ولو خيروكي مين الممثل اللي حابه مثل معك دور البطولة مين بتختاري....؟
- كيف بتتصرفي لما تنحطي بموقف محرج قدام عيلتك او قدام اصحابك...؟
- شو هي الاكلات اللي ما بتحبيها...؟
- اكتر سلبية في مجتمعنا في الوقت الحالي...؟
- برأيك هل الغرب متقدمين علينا بشغلات كتيرة...؟
- ضعي اشارة خطأ حول رمز الاجابه الصحيحة
- في جنب بيتكم
أ- سوبر ماركت
ب- مسجد
ج- صالون حلاقه
د- محل اتصالات
- وانتي صغيرة شو كنتي تحلمي تصيري بس تكبري....؟؟
- شو تغير بفرح من لما كانت طفلة لحد ما صارت واعية...؟
- بتحبي الناس تتعامل معك على اساس انك طفلة ام انسانه مثقفه وواعية...؟
- بتعرفي تسبحي ...؟
- بأي صف تعلمتي القرأة والكتابة...؟
- بتعتبري نفسك انسانة ناجحه في حياتك...؟
- شو ممكن تقدمي في يوم من الايام للمجتمع...؟
- شو سلبياتك وايجابياتك....؟
- بتذكري الله بكثرة ولا نادر...؟
- عبريلنا عن هالشغلات في طريقتك الخاصه مش بكلمة بجمل ذات معنى
الغربة:
الوطن:
الحنين:
الام:
الاب:
محفظة فاضية:
الانترنت:
التلفزيون:
الموبايل:
الساعه 4 الفجر:
ضمة بقدونس:
جورج بوش:
صحن مقلوبه صغير واربع جوعانين:
خمس دنانير:
- بتحبي البزر...؟
- طيب المكسرات بشكل عام...؟
- بتحبي القهوة او الشاي...؟
- بتفضلي لحمة الخروف ولا لحمة الجاج...؟
- بتحبي الاندومي...؟
- كيف اندليتي على المنتدى...؟
- اسرتك بتعتبريها اسرة مثالية...؟
- لكل بني ادم في مشاكل وهموم كيف بتتعاملي مع مشاكلك...؟
- بتحبي الناس تجاملك لحتى ترضيكي ولا انها تحكي الحقيقه حتى لو كانت الحقيقه مو حلوه...؟
- اكتر يوم بالاسبوع بتحبيه...؟
- اكتر شهر في السنة بتحبيه...؟
- احكيلنا عن احلى يوم في حياتك...؟
- كابوس عشتيه وبتتمني انه ما يتكرر...؟
- عندك هوايه انه تمسكي الولد الصغير وتضلك تلاعبي فيه ...؟
- لو كانت جارتكم وبنتها عندكم في البيت وقاعدين بيحكوا عن وحده مش موجوده وبينخلو فيها الحزينة ... بتشاركيهم الحكي وتببلشي فيها دح ولا بتضلي ساكته ومستمعه فقط...؟
- انتي من النوع اللي بيحقد وبيخبي...؟
- ازا شخص تعامل معك بأسلوب مش حلو بتنبهيه ولا بتخبي بقلبك...؟
- بتحبي الشوكولاته...؟
- شو اكتر نوع بتحبيه ولو تاكلي منه كرتونه ما بتشبعي منه...؟
- بتحبي الحليب...؟
- تشربيه بكاسه ولا برضاعه...؟
- احكيلنا شوي عن حياتك وعن طموحاتك...؟
- اغلى هديه عليكي شو هي ومن مين كانت (( تبيعيها ؟ ))...؟
- اعز هديه عليكي شو هي ومن مين كانت...؟
- بتعرفي تسوقي ؟ ازا لأ مفكرة تطلعي رخصه...؟
- اشاعه طلعت عليكي وذايقتك كتير وكيف تصرفتي...؟
- قديش نمرت اجرك...؟
- كم تلفزيون عندكم في البيت...؟
- كم ساعه في البيت عندكم ووين معلقين...؟
- شو رأيك في البنت المش محجبه....؟
- وشو رأيك في البنت اللي بتلبس خمار...؟
- بتأيدي الجيزة اللي عن حب وممكن يكون الها سلبيات او ايجابيات .. اذكريهم...؟
- اغية سمعتيها واثرت فيكي...؟
- اكتر مطرب بتسمعيله...؟
- اي سنه شفتي حالك ادمنتي على النت...؟
- هل انتي انسانة مرتبطه عاطفياً..؟
- شو اكتر نوع فواكه بتحبيه..؟
- بتآمني بالحب من اول نظرة ..؟
- شو رأيك بالاعضاء التالية اسمائهم:
- jo1r
- A-H-M-A-D
- محمد النجار
- سمرة ونغشة ولا بيضة ودفشة
- اسيرة فلسطين
- مشكلجية
- سمر
- اختها توتي بوتي
-مايك
- حلا الدنيا
- hamodah.O,albishah
- وشو رأيك فيني انا شخصيا...؟
- شو اكتر نوع بتحبيه من الورود...؟
- شو اكتر اسم بتحبيه من البنات...؟
- اكتر اسم بتحبيه من الشباب...؟
- الشب اللي بيكون سايق سيارة وعم بيفحط فيها وبيضرب خمسات هدا الشب ممكن يلفت انتباه البنت ويخليها توقع في غرامه برأيك... ؟
- لو كنتي جيعانه لابعد الحدود وما في حدا في البيت غيرك واهلك طالعين زيارة لعند الاقارب ورح يتأخرو وما في اكل في البيت نهائيا وما معك فلوس حتى خبز ما في شو بتعملي ...؟
- بتعرفي تطبخي ...؟
- شو هي الطبخات اللي بتعرفي تعمليها...؟
- انتي انسانة خجولة...؟
- شو اكتر نوع من الحيوانات بتحبيه...؟
- واكتر نوع من الحشرات بتحبيه....؟
- بتكتبي مذكراتك....؟
خلص بكفي اسئلة هيك لاني مش رايق :nosweat:
