اديم الصفحة يخدشه الزمن ..........
يعيني على طاري غلا ودي اسولف من وســــاع
وش للحمل ما دامت ضلوع الصدر متمكنــــــــــــه
دام النوايا ما تضيع بشرهة سنين الضيــــــــــــاع
اللي ثبت في وقتنا الماضي يفوق الازمنـــــــــــه
وان هي على الشرهه اقيّد غيبتي بالمستطاع
الا الغـــــــــــلا ما ينحني لاية ظروف مدكنــــــــــه
لكن ليا راج الشقا في بصمــــــــة العيشـة وذاع
المستحيل ان الكلام يرّجع اللي يدفنـــــــــــــــه
اكتم واخبي وانتفض صورة تجم الاندفـــــــــــــاع
وارجع واغير بعدها من دون ذكر الامكنــــــــــــــه
وان كانها حسبة مواريث الهوى فيما يشـــــــاع
الله وكيلك ما سكنت حروفها لو تسكنـــــــــــــه
ولان الغلا يطلب ولو هي مستحيلة ما يطــــاع
عذرا ,, بقص القاعده واطيع عندي ممكنــــــــه
وارسم على حد المحيا من تقاسيمه شعــاع
اليا وصله من الصدى هبة رضاها تشحنــــــــه
ما هي بنار ان برّدت في شوقها حم الضـــلاع
ولا هي بميه لو تولع في غلاها مسكنـــــــــه
الا على طاري الغلا كحلت انا عندي وســــاع
ما توفي الغالي ولو تعمى خست م تثمّنــــه