سهرة ما قبل النتائج,,.
خليني ارجع بذاكرتي لورى
على ايامنا كنا نحنا اول ناس طبقو علينا النظام الجديد تبع الدورة الشتوية و الصيفية
بتذكر اني عالدورة الشتوية تعبت على حالي شوي و درست و قدمت 8 مواد
و كانت الطامة اني حملت 3 ههههههههههههههه
اجاني احباط قوي يومها و صرت اطنش الدراسة و اطلع مع صحابي ادور بالشوراع زي الهمل هههههههههههه
لما قدمنا طلبات الدورة الصيفية قررت احط كل المواد اللي علي بالصيف مع المواد اللي حاملها يعني 10 مواد
و كنت متأكد بقرارة نفسي اني ما راح انجح فيهم كلهم لاني مو دارس شي بالمرة بس حكيت يلا ما هي خربانة خربانة :P
قبل التوجيهي بفترة شهرين او اقل اصروا اهلي اني اسجل مركز رياضيات عشان اعبي وقتي بدل ما انا داير هون و هناك
وطبعا الله يسهل عالاستاذ اللي درسني لاني لأول مرة بحياتي احس حالي فاهم رياضيات او بلشت افهم هههههههههه
بتذكر يومها كان علينا تكامل و مش عارف الوحدة التانية كان اسمها اشي خطي كان اسمها ههههههههه
و اجت فترة الامتحانات و المادة الوحيدة اللي بتذكر اني درستها من قلب الرياضيات لاني كنت فاهمها هههههههههههه
و باقي المواد كنت اصحى او كان ابوي يصحيني عالفجر و ابلش ادرس قبل الامتحان هالكم ساعة و اروح
افوت اقدم و اطلع و انا مش عارف حالل صح و لا خطأ ههههههههههههههه
يوم اعلان النتائج انا كنت مسافر مع الوالدة على سوريا ورحت على مقهى نت و دخلت عالموقع و حطيت رقمي الجامعي
و كنت مريح راسي عالاخير اني ما راح انجح بل كنت واثق من هالشي هههههههههههههه
و صرت اشوف العلامات
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
ناجح
15 ناجح ورى بعض ههههههههههههههه
حكيت لا في شي غلط أكيد رجعت طلعت من الموقع وفتت مرة تانية
و حطيت رقمي و لا طلعت ناجح هههههههههههههههه
وهون انصدمت بجد كانت صدمة عكسية بس غير شكل هههههههههههههههههههه
وصلت البيت و لا كان الوالد متصل عالوالدة و مخبرها اني ناجح
و عادي و لا كأنه في حدا ناجح اصلا و لا حدا عبر هههههههههههههههه
هداك كان يوم من الاخر ما بنساه ابدا
)