عابر عبور الكرام
أتنين متزوجين قررو يروحو يصيفو على البحر, وبنفس الفندق يللي
قضو فيه شهرالعسل من عشرين سنه.
الزوجه صار عندها شغل, وما قدرت تروح مع زوجها
و قررت تلحقو بعد عدة أيام.
وصل الزوج للفندق, وكان عم يوضب أغراضو بالغرفه,
وفجاة, بيتفاجأ بكمبيوتر محطوط عالطاوله وفيه خط أنترنت ,
فخطرتلو فكره أنو يبعت أيميل لمرتو يفاجأها فيه.....
ولما كان عم يكتب الأدرس, خربط بحرف وانبعت الأيميل لشخص ثاني ...
وصل لوحدة أرمله كانت راجعه من دفن زوجها.
ولما كانت عم تفتح أيميلا.... قرأت الأيميل المبعوت من الرجل, فوقعت
على الارض فورا,
دخل أبنها عالغرفه, فشاف أمو عالأرض بدون حركه, .فطلع عالشاشه,
وكان مكتوب الاتي:
"زوجتي العزيزه, وصلت بخير , يمكن عم تتفاجئي لأنك عم تسمعي
أخباري عن طريق الأنترنت, بس هلأ صار في كومبيوترات هون, وبيقدر
الواحد يبعت أخبارو للأحباب. ما صرلي زمان واصل, واتأكدت أنو كل
شي يكون مجهز لوقت وصولك لعندي الجمعه الجايه. أشتقتلك
كتيييييييييير.... ومتشوق لشوفتك, وبتمنى تكون رحلتك مريحه. متل
ما كانت رحلتي.
ملاحظه:
لا تجيبي معك اكتيير ملابس, لأنو هون كتيير حررر (جهنم) لا تتأخري"
