دفتر مذكراتي
ياحسـرة على كتير عالم انفسـهم بتكون مريضة ياخسـارة الصحبة معهم يعني انا بها الايام القليلة الماضية اكتشفت جزء كبير من نفسـيات العالم يلي حولي كنت بفكرهم اخوان واصحاب ولكن للاسـف كلو تمثيل وحكي بالهوا كل الكلام يلي كانو يحكو مجرد تمضية وقت تسـلاية... مصلحة... او سـبير في حالو انو غيرك مش فاضي انت موجود والمشكلة هالعالم بتضلها تقنع بحالها وفيك انها بتحبك وبهممها امرك وازا احتجت شي ومهما كان هي جاهزة ومارح تقصر...وبالوقع الموضوع العكسـ معك ياجماعة في صديقة معي بدوامي وصحبة معها وعزمتها على بيتي كتير ومرة على خلاف على الدوام او حتى مو خلاف ماصار شي اسـاسـا بتبطل اترد السـلام عنجد وااا اسـفاه على هيك عالم ....يعني مابعرف ليه العالم بتمثل الصحبة ماحدا جابر حدا على التمثيل كون صريح من البداية ليه العالم بتحب تلبسـ قناع الصحبة والطيبة والكرم...غريب جدا ,,, وفي صديقة تانية مابعمري قصرت معها بشي شو مابتطلب مني مابكسـفها ومرة وحيدة انا طلبت منها cd طنشت الموضوع واعتذرت بطريقة احقر من الرد وكانو طلبتا مال قارون يعني امور هيك تافهة بتلاقي العالم يلي حولك هيك بتصرف معك كيف لو لاسـمح الله الواحد واقع بمصيبة والتجاء لاصحابه يلي ع اسـاسـ انو الصديق وقت الضيق وهاد الشي انقرض بايامنا هاي وماعاد لو وجود ابدا وهاد شي محزن جدا... العالم تصبغت بالكزب والغش.. انا بسـتغرب من العالم يلي بتعمل هيك طيب انت كون صريح وواضح من البداية يعني انت موقفك وتعاملي معك كا شخص الو حدود معينة وقالب معين ليش بوهم الانسـان يلي امامي بالكلام المعسـول وانو لو شو محتاج بتقدمله انو علاقتك فيه عميقة مع انو هي للاسـف سـطحية انا وصلت لقرار انو الواحد يختصر كل العالم والعب وحدك تعيش راضي وقدر ماامكن ابعد عن الناسـ لانو مصدر قلق نفسـي الك لانو اتعبت وانا بفكر وبحلل بها العالم المريضة يلي حولي
يعني بفكر حالي الي كتير صاحبات لكن والحمد لله شو مايكون عندي مابلاقي غير وحدة او تنتين جنبي ويالعالم هدول رح يجي يوم وتبان الاقنعة يلي لابسـينها ...جد انا كتير مدايئة انو انا بتعامل ممع العالم بكل حسـن نية وبطيبة الب والطرف الاخر بفكرك غبي او مو حاسـ والئصة مو هيك بتكون عارف كل شي لكن مصدوم ممن يلي بتشوفه