♠ مجرد بداية ♠ >>>
خلها بالقلب وانسى لا تفكر...... دام شي راح لا تحسب حسابه
لو هقيت بيوم ان بالك تعكر ........هي كذا الدنيا مهي دايم طلابه
بس لا تنسى بعد هذي تذكر ......ما يطيق الجرح من ذاق الاصابه
...
مثل صدمات الرفيق اليا تنكر .....خابت الهقوى وخاب اللي هقا به
البخيل اللي قفل بابه وسكر........ ما اظن ان الكريم يدق بابه
ومن جهل فرق المؤنث والمذكر...... لا تحرى منه مضمون الاجابه
ومن يسوى به جميل ولا تشكر...... ما يعرف المرجله حظرة جنابه
وانت يللي جامع بالملح سكر...... ضعت ما بين التناقض والتشابه
لا نظرتك قلت نور الصبح بكر...... كيف اجا ما ادري لكن الله جابه
المهم ..ابيك تنسى لا تفكر...دام شي راح لا تحسب حسابه
