يوم مبسوطوعشرة لا ..!! تعالوا احكيلكوا عن قصة الصورة اللي بتوقيعيبما أني زهقان و مش ل

تعالوا احكيلكوا عن قصة الصورة اللي بتوقيعي .. بما أني زهقان و مش لاقي سوالف احكيها



التقطت هالصورة على شاطئ ببيانو الوقع بالقرب من مدينة البندقية .. الوقت كان عند شروق الشمس

كنا طالعين رحلة أنا وثنين شباب اردنيين صحابي و ثنين إيطاليين بيتو و أندريه .. الايطالين كانوا اصدقائي تعرفت عليهم

بمباراة كرة قدم لعبنا سوا و بعدين صرنا نلتقي كثير بالملعب .. وأصروا يعزموني مره انو يطلعونا رحلة وهيك يعرفونا ع ايطاليا

مدة الرحلة كانت ثلاث ايام ... بجد كانوا قمة بالاخلاق والإحترام .. شفنا مناطق كثيرة وجد خيالية ... طلعنا ع جبال الألب ..

و شلالات .. وصدنا سمك .. ولفينا كثير بالمدن ... وقررنا الليلة الأخيرة نبيتها على الشط .. وفعلاً سهرنا سهرة ولا أروع

هدوء .. تحت ضوء القمر .. ومابتسمع غير صوت موج البحر .. احنا الاردنين جبنا معنا عود و الايطاليين كان معهم جيتار

العود والجيتار مش عارف كيف نسموا مع بعض ههههههههه .. كنا مولعين نار وملتفين حواليها .. وسياراتنا بجنبنا

فعلاً أجواء ولا بالخيال .. من وقت غروب الشمس حتى الشروق ضلينا نتسامر ونضحك وكل واحد بحكي قصة ..

وقت الفجر انا قمت توضيت انا والشباب الاردنيين وصلينا الفجر .. والإيطاليين بجد أستغربوا كيف أحنا وبهيك وضع لسى ماحافظين ع دينا ..

المهم .. قربت من الشط و وقفت أتأمل الشروق بين أمواج البحر ..

وبهالوقت رسمت اللي بالصورة ( قلب الحب ) ع رمل الشط ..

وشغلت الكمره والتقطت الصورة ... صديقي الايطالي بيتو أجاني .. وسألني ليش هيك صورت الصورة ..

قلتوا انت شو رايك ؟ ... قال انا شايف رجلك بدها تشوت قلب الحب .. انا ضحكت وقلت له ..

ما بقدر أشوته .. أنا بستنى الموج ياخذه بعيد عني !!!

بيتو ابتسم أبتسامه وفهم قصدي ..



انتوا شو رايكم فهمتم قصدي ؟؟