مطبخ سيسيل ....
معمول العيد بالشوفان
كمان احد اسرار سيسيل
المقادير
- كاستين سميد ناعم
- كاسة شوفان
- ربع الكاسه حليب جاف
- ملعقتين كبيرتين طحين منخل
- ربع ملعقة صغيرة ملح
- نصف ملعقة صغيرة فانيلا
- ربع ملعقه صغيرة محلب
- بهارات المعمول متل ما تحبي
- ربع كاسة سمنه
-3/4 الكاسه زبدة سائلة
- كاسة شاي سكر ناعم
- ماء زهر
مقادير الحشوة
- سمسم محمص
- معجون التمر
- ماء زهر
ملاحظة استخدمي نفس الكأس لجميع المقادير
طريقة التحضير
نخلط جميع المكونات الجافه بما فيها كأس السكر الصغيره ونضيف لها كمية السمنة والزبدة السائلة
ونخلط جيدا حتى تتشرب كل المكونات الزبده والسمنه
نترك الخليط لفترة ونستغل الوئت بتحضير الحشوة
تحضير الحشوة
معجون التمر يضاف له السمسم المحمص وماء الزهر
ونخلطهم سوا لحتى يتجانسوا وبعدين نعمل من الخليط كرات صغيره
نرجع للمعمول نقلب المكونات جيدا ونبدأ باضافة ماء الزهر حتى تتماسك العجين
وعلى فكرة مارح تحتاجي كتير ماء زهر احتمال كأس صغيرة بس
اتركي العجين لمدة ربع ساعه وبعد الربع ساعه وبعدين بلشي اعملي قطع المعمول واحشيها
بالحشوة يلي حضرتيها
هلأ
رتبي المعمول بصينيه تيفال غير مدهونه بزيت
وادخليه الفرن لمدة 20 دقيقه الى ان تصبح قاعدة الحبة ذهبيه
ثم انتقلي لمرحلة التحمير بالشوايه لمدة 5 او 10 دئايئ
لحتى يكتسب اللون الدهبي
طلعيهم من الفرن واتركيه ليبرد تماما ثم زيني بالسكر الناعم
على فكرة هاد المعمول سريع التحضير ورح تتفاجأي بالنتيجه
وكمان كتير خفيف عالمعده
والف صحة وهنا
