تجربتي مع طلوع الروح !! يا ستي دعواتنا جميعا الك بان يغير الله من حالك واحوالك ويريح ب

المشاركة الأصلية كتبت بواسطة: تولاي (الاردن);1741127 كلامك كلو صحيح
وللاسف مابصلي
بس عنجد كلامكم ريحني ومن بكرا راح ابلش في الصلاه وارجع لاكمل ختم القران اللي بلشت فيه من ئبل 4 شهور وتركتو
وان شالله راح اغير كتير واهم شي الصلاه
والحجاب والحمدلله ملتزمه فيه

وانت ما بتئصر و الكل والله وكتر الله خيرك وخيركم كلكم والله بعتبركم متل اخواني
وكل كلامكم بحترمو وبسمعو والله

وكتر الله خيرك ع النصيحه ويجعله ربي في ميزان حسناتك

يا ستي دعواتنا جميعا الك بان يغير الله من حالك واحوالك ويريح بالك وان يجعلك من الملتزمات بالصلاه والطاعات وقراة القران وكل ما يجلب محبة الله وقربك منه عز وجل وان شاء الله نحنا جميعا اخوان وندعو لكي بكل خير باذن الله

الاهم ان تكون عزيمتك قويه ولا تقولي يا رب عندي هم كبير اجعليها يا هم عندي رب كبير


وليش تاجلي عمل اليوم للغد الان معك ساعتين ونص تقريبا للفجر ابداي من الان

خذي شور وتوضي وبعدهم قولي الشهادتين ( مش لا قدر الله انك غير مسلمه وعم ندعيكي لتسملي ) انما لتكون بداية عهد جديد بطاعة الله والتزام كل ما يجلب محبته وطاعته ورضاه ونطق الشهادتين واجب قبل النوم وبعد الاستيقاض منه

صلي لله ركعتين وادعيه انه يعطيكي القوه للالتزام بكل ما امر فيه مش بس الصلاه والقران كل شي بحياتك تشوفي انه خطا او مقصره فيه حاولي تغيريه وتخلي للاحسن

صلي العشاء وان كان متاخر وصلي اللي بتقدري عليه لوجه الاه واختميهم بالوتر

وقراي القران للفجر ولما ياذن صلي الفجر

ولما تيجي تنامي

وانتي على جنبك اليمين ووجهك للقبله هي السنه طبعا احمدي ربنا 33 وسبحيه 33 وثلاثين واستغفريه 33 ولا الاه الله تمام الميه

واقراي المعوذات 7 مرات لكل وحده وبعدهم قولي

اللهم اني منك واليك فان امتني فامتني على الايمان وان احييتني فاحيني على الاسلام

هذا دعاء النوم طبعا وقولي الشهادتين ونامي متوكه على رب الالمين


وباذن الله وقت تصحي الصبح رح تكون بحال غير الحال ورح تحسي بالرضا وراحه نفسيه

والتزمي بالصلاه باوقاتها


وبالاخر خذي هالطريقه لختم القران بالشهر مره وبكل سهوله ودون ما تحسي بالتعب


القران الكريم 30 جزء وكل جزء حسب مصحف الحرمين يقارب 20 صفحه وعندك باليوم 5 صلوات لو قراتي عند كل صلاه 4 صفحات بس بتكوني كل 30 يوم ختمتي القران مره وحافظتي عليه

واهم شي صلاة الفجر والعشاء التزمي فيهم بوقتهم ما دمتي تسهري عالنت لا تنامي قبل ما تصلي الفجر وقبل وقت الفجر صلي لله ركعتين او قدر المستطاع واطلبي من ربنا يعطيكي القوه والطاقه للاتزام

وباذن الله حتى نهاية رمضان رح تكوني تغلبتي على الشيطان واصبح ماله مكان عندك ولا اله حكم على نفسك


وبعد رمضن حاولي الالتزام قدر الامكان حتى يصبح هالشيء جزء من حياتك وقتها رح تختمي القران مرات ومرات عن نفسك وتهديه لروح الوالد وتطلبيله الرحمه والمغفره

وان شاء الله تكو هالليله بداية الخير في حياتك

ومره اخرى ان كانت احلام سيئه وما فيها شيء طيب حاولي قدر الامكان ما تحكيها لاحد وتعوذي من الشيطان لانها كلها وساوس من الشيطان