لماذا الطلاب يكرهون المدارس ؟؟
بداية اخي بدي اتشكرك لطرحك موضوع كتير مهم بحياتنا...
بما انك اختصرت علينا وقارنت مدارس العرب بمدارس الاجانب .. بداية المعلمين لو عندهم الراحة الكافية وراتب كافي عالجهد اللي بيبذلو بالتعليم ما كان هاد حال الطلاب المعلم مو مرتاح بمهنته وبيقضي معظم نهاره بالمدرسة واخر الشهر على 200/300 دينار ... شي طبيعي ما رح درس من كل قلبو وما رح يعطي للطالب هالجو اللي يخليه يحب المدرسة بالعكس بيوحيلو بانه التدريس واجب عليه بيخلص هالحصة وبيطلع...
من ناحية تانية المناهج الكم الهائل من المعلومات بكل مادة يعني الدول الاجنبية عندهم نظام انو من الصف العاشر ببلش الطالب ياخد المسار اللي بدو اياه وبناءا علي اختاره بياخد مواد معينة اما عنا المناهج كلها معلومات والطلاب من كل المستويات لازم ياخدوها..
من ناحية تانية الاقتصاد بدولنا العربية ما بيسمح بتوفير جو مدارس متل المدارس الاجنبية من ناحية البناء والصفوف وطريقة التدريس..
كلها اسباب كافية لتخلي الطالب يكره المدرسة..
بس بالنسبة الي انا بحب المدرسة كتير وما بتخيل حالي بدونها...
