من أنا [ .Hadeel-Q8. ]
حبيت هالمرة اعبر عن مافي خاطري
وبمدونتي واكسر حاجز احس فية رسمية بيني بين
يعني قبل ما اكتب شيء
اكون مفكرة وش الموضوع اللي بأكتب عنه
وعقب يومين انزله مو حاسة انها مثل دفتري
اعبر فيها براحة اكبر وبأخطاء املائية ونحوية اكثر
عشان كذا حبيت اليوم اغير واعتبرها مثل دفتري حبيبي
المهم هذا مو موضوعي اللي ابي اتكلم عنه
اللي ابي اتكلم عنه عن نفسي
يعني تجيني حالات اسميها حالة اكتئاب ومدري اهي اكتئاب او لا المهم اني خلال هالفترة او الحالة اللي تمر فيني اكره الحياة اكره الدنيا اترك كل انشطتي واهدافي والاشياء اللي امارسها خلال يومي العادي اتركها ويصير مالي خلق حق اي شيء بس قاعدة وضايق صدري وفي اسوأ الحالات اتهاوش مع احد حولي أو أبكي ومو عارفة السبب بس احس اني اعاني وابكي
ويصير عندي رغبة في اني اطلع من البيت واحيانا اطلع وارتاح وتتغير النفسية واحيانا اطلع وما ارتاح وارجع وحالتي نفس ماهي
وتجيني اسئلة تعذبني مثل:
وش فايدة الحياة ؟؟ ليش عايشين؟؟ كل شيء ملل؟؟
هذي الحالة تجيني غالبا في الاجازات بسبب الفراغ المشكلة ان هالحالة لما تجيني وتروح تترك اثر علي