صرنا خليجين
المشاركة الأصلية كتبت بواسطة: touty-buty;1633185 الفتاة ما الها غير حجابها وسترتها وسمعتها
لهيك لازم تبئى ماحفظة على هاي الاشيا ونحنا ماعم نحكي لحتى تجرح حدن بكلامنا
نحنا بنتمنى من كل الصبايا انهم ينتبهو على حالهم لانه هون مصلحتهم
وهاي مسؤولية على الجميع ما بعني انو ازا واحد اعطى نصيحة بكون ئصده مو منيح
بالعكس لازم نحترم النصيحة من مين ما كانت لانه كلنا رح ننسال
والرسول ئال من راى منكم منكرا فليغيره بيده ومن لم يستطع فبلسانه...
ازا هاد الشي امر واجب على الجميع ومش لازم حدن يزعل من هيك كلام صح ولا لأ؟
بكل تاكيد كلامك صح الله يسعد اوقاتك وصح لسانك
وان شاء الله الكل يلتزم وكل البنات يلتزمو بالحجاب واللبس
وما يسمعو من كلام الناس اللي بيشوهو صورت الباس المتلزم وبخلوه تخلف ورجعيه
وكمان من يلي بيصورو للبنت بلبسها الغير ملتزم وكشفها لجزء من جسمها انه جمال وانه مطلوب وانه رقي .... هيك ناس بكل تاكيد وتكون واثقه كل صبيه انهم هدفهم يبقو ياكلو بلحم البنت وقدرها بين الناس وبالاخر وقت يملو منها رح يبطلو يطلعو فيها بعد ما يكونو شبعو من شكلها ولقو فريسه غيرها
هون بالامارات شيء جميل جدا على الرغم من الانفتاح ووجود الكثيرررررررر الكثر من الجنسيات اللي وصل الحد ببعض منهم انه البنات يمشو بالشوارع وكانهم عالبحر
لكن صدقو انه مع هيك الا انه الفتاه الاماراتيه محافظه على التزامها ولبسها وقدرها بين الاخرين بالعكس بتلتزم اكثر من قبل صح بيشترو احدث صرعات الموضه وبجيبو احدث ما نزل من مكياجات لان هالشي كله فقط لحياتهم الخاصه واداخل بيوتهم
وفوق هيك تعاملهم جدا راقي وملتزم حتى لو ما في اي علاقة عمل او شيء مع السيدة او الفتاه الاماراتيه الا انها تعمال الاخر على انه اخ وتعامله باسلوب طيب حتى يثبت ما يغير نظرتها اله
والاهم من هالشيء كله الالتزام الديني والخلقي بالصلاه والخلق الاسلامي
عندنا بالاردن مثلا وقت صلاة من الصلوات افضل المساجد اللي بتلقى فيها صفين طبعا غير ايام رمضان والجمع اللي كانه الصلاه بالمسجد صارت فيها وبس
بدبي اللي هي اكثر دولة عربيه منفتحه قبل وبعد الصلاه تلقي عدد كبير من المصلين وحفظة القران وقراءه وقت تدخلي المسجد وكانك في خلية نحل من اصوات القرا للقران وحفاظه
طبعا وفي دول خليجيه ثانيه مثل السعوديه وغيرها لكن هذا اللي بشوفه
واكيد كل كلامنا نصيحه للجميع مش للتقليل من قدر احد