عوجا وياما حتشوف.. عوجا وطابق مكشوف!!
صباح الخير لكل البشر نفرا نفرا ودار دار وزنقه زنقه هيهيهيهيهيهيهي اليوم رايئه عالاخر:nosweat:
المهم كل اهلي وصحابي مخنوئين لاني ماسكة السلم بالعرض وماشيه فيه
طب شو اعمل والله مابحب العوج
امبارح ماما حكتلي ئصة ئريبه مني فبتئلي يا ماما انتي عامله زي ابو يحيى ...... ئلتلها مين ابو يحيى!!!!
ئالتلي هاد واحد كان ماشي بالشارع شاف معمرجي ئاعد ببني بسياج حط اكلاته اللي كان حاملهن عجنب وراح عند السياج ولزئ وجهه
عليه وئف وهو مستغرب ورجع لزئ وجهه كمان مره وغمض عين وفتح عين عشان يشوف استقامة السياج ..... راح على الجهه الثانية
من السياج وعمل نفس الفلم هيهيهيهي (انا لو محل المعمرجي خمعتو بسطل الشميمتو) المهم رجع لزئ وجهه وصار يغمض عين
ويفتح عين وبعدها صار يضرب ايديه ببعض وهو مستغرب وراح للمعمرجي وحكالو العوافي ياخوي
رد المعمرجي الله يعافيك
ابو يحيى: كأنه السياج مايل شوي؟
المعمارجي: سياجي مايل؟..انت الّي نظرك مايل.
تركه ومشى لعند "جبلة الباطون" ، فك عقدة من البربيش بطريقهعشان يسهل على العمال جرّه، وقف معهم وسألهم بهدوء:
ابو يحيى: عوافي شباب!!.
العمال: أهلاً حجي!!
ابو يحيى: كأنه السياج مايل شوي؟
العمال: اسأل المعلم..احنا بس بنجبل، وبنقرب بلوك، وبناوله طين.
مرّ شاب من امام السياج فسأله نفس السؤال،فدافع الشاب عن استقامة السياج ثم اعترف بسياق الحديث: أن خالتي م بتنجب "معمارجيا" فاشلاً..سأل عجوز فأخلى مسؤوليته، سأل مره، فأنكرت انه في سياج اصلن سأل موظفي سلطة المياه، عمال الأشغال، أحد الوافدين المارين، صاحب "بكم" عتق، طلاّب مدارس،صاحب بقالة قريب، مهندسين مختصين، محامين ممارسين، أطباء أسنان، فتيات جامعيات..وعالفاضي..وقبل اما تعب وياكل خبزاته التي تركها جانباً منذ الصباح الباكراجى من ورى السياج رجل مهيب..لوى اذن ابي يحيى :
مايل مش مايل ..انت شو دخلك؟
ابو يحيى: بحبّش العوج!!.
الرجل: ميل راسك، بروح العوج!!!
هيههيهيهيهيهيهيهيهي ميلة تميلني:haha:
