مواجهه هادفة بين الشباب والبنات.............
أنا بيشرفني كون معكن بهاد المنتدى ويكون أول رد إلي على هاد الموضوع الملفت
أنا رح احكي رأيي بصراحة ومن دون مجاملة لا للشباب ولا للبنات
هلأ ما فينا نحكي عن كل البنات انهن مو مناح وانن بيضحكو على الشباب لان في بنت منيحة وفي لاء وكمان بالنسبة للشباب نفس الشي
وهاد بيكون حسب الترباية وحسب الثقة يلي بيزرعوها الأهل بأولادن وحسب المجتمع يلي عايشين في
يعني اذا الاهل حاطين الثقة ببناتن البنت مارح تغلط أبدا وحتضل محافظة على الثقة يلي عطوها ياها ومارح تخونها حتى لو ما كانو مراقبين تصرفاتها بشكل دائم وكمان نفس الشي عند الشباب
وأحيانا الضغوط النفسية يلي بمارسوها الأهل على الأولاد بتولد بداخلن شعور إنن لازم يكون عندن شخصية ويمشو كلامن على حدا
مشان هيك البنت أو الشب بيحكو مع بعض وبعد ما يحب أحدهن التاني ويصير في علاقة جدية بيلاقي حالو مالو أد المسؤولية وبيقول إنو كان عم يضحك على الطرف الآخر وإنو ما بيحبو مشان يحس إنو انتصر
ويعني بتصور إنو ما كان لازم يصير هي الحدة بين الاعضاء وأصلا هيك موضوع كتير صعب النقاش في لان بين الجنسين ولان أحيانا منلاقي تعصب عند البعض والإصرار على الراي
أرجو إن تتقبلو مروري وما حدا يفهمني غلط
