مطبخ سيسيل ....
بسبوسة بالقشطة دمااااااااااااااار
اليوم دور الحلو جاي على بالي اعملكن بسبوسة اشطه
يلا نشوف المقادير للبسبوسة :-
- كوب سميد
- تلات ارباع كوب سكر ناعم
-نصف كوب زيت
-علبه ونصف قشطه
-ملعئة بكننج باودر
-ملعئة فانيلا
-مبروش جوز الهند لحتى نرشو على البسبوسة
مقادير الاشطة للحشوة:-
-كوب وربع حليب سائل
- 3 ملاعئ نشا
-علبة ونصف اشطة
-نصف ملعئة فانيلا
طريئة عمل البسبوسة:-
-في اناء عميق نضع السكر و الزيت و والاشطةو نئلبا منيح بمعلئة كبيرة او مضرب يدوي
- نئلب منيح حتى تمتزج المكونات جيدا
- نضيف الحليب و السميد و البيكنج بودر و الفانيليا
-تحرك حتى تمتزج المكونات جيدا
- تترك على جنب لمدة ساعه
في هاي الساعه بدنا نعمل الاشطة الحشوة اوك يلا
في وعاء على النار
نضع الحليب و النشا
و ندوب النشا منيح
و يترك على نار اوية حتى يبدأ يتئل
مع التحريك المستمر بمضرب يدوي حتى مايحترء
نضيف الاشطة والفانيلا
نئلبا منيح ونتركا شوي زغيرة عالنار
هلأ بعد ساعة نرجع للبسبوسة وتكون تئلت ممكن نخففا بفنجان مي زغير ونخلطا منيح
افردي نص كمية البسبوسة في صينية وبعدين رصي فوء منا الحشوة
وارجعي ضيفي بائي البسبوسة حطيا بالفرن لحتى يحمر سطحا
بعدين رشي فوء منا المبروش
اكيد انت مجهزة القطر ...اسكبي الاطر البارد فوء البسبوسة الساخنة فور خروجا من الفرن
وصحتين وهنا
ازا عندك طلب من زوجك اجلي لبعد ما تئدميله هالسحر وتأكدي انه طلبك مجااااااب
