...احببتك...
مشكور يا أحلى حب بشرفني أكون أختك ولو إنك حكيت غير هيك كنت راح أزعل منك والله
والحمد لله انك حكيت اختي والكريمة كمان هذا دليل على أن تصرفاتي ترضيك ويشرفك اني اكون اختك
وأقسم بالله إني حبيتك يا سعد قبل ما انت تحبني لكن حفاظا على اطول مدة حديث بيننا كنت اعمل نفسي مش فاهمة
اكيد بتتزكر لما قلتلك ان انت وخليل عندي كفتين ميزان وانتم الاتنين سعر واحد
قلتها وانا بنكوي بالنار يا سعد وحكيتلك انك متل اخي
هنا يستحضرني موضوع مارية اللي عن القصة الواقعية اللي بتحكي عن احمد وديما بتشبه قصتنا كتير
وانا كتير بحب هديك الايام ايام لما كنا اخوة لما علمتني ما اوطي لحد مشان اضل بعينه كبيرة بتتزكر؟(وكون متاكد انك مش اي حد)
لما قرات خاطرتك هاي ما حسيت الا اني لازم ارد عليها_بالابيات اللي كتبتهم_ مع اني عاهدت نفسي ما افوت على المنتدى واني استناك انت ترجعلي
لو بعد مية سنة وكنت اقرأ مشاركاتك وبس ومن بعدها اسكر واقوم تماما زي ما كنت تعمل انت قبل
انا يا سعد بعرف ان البنات بالنت زي الهم على القلب وما تفكر اني ما كنت اغار والله كنت اغار بس بدك تحكيلي بالله عليك شو هي فائدة غيرتي
والبنات صدقني لما يفوعوا ما بوقف بطريقهم شي واقسم بالله اني مسامحة اي وحدة حاولت تؤذيني بكلامها هم عارفات حالهم
حبيبي بكررلك شكري ولو ما كنت بتحبني ما كتبت اختي كتير حبيتها منك والله لانها دليل على حبك.واللي باكدلي احترامك انك حكيتلي بيوم من الايام اني الي احترام خاص بس بتعرف يا ريتك عاملتني زي ما عاملت اقل وحدة فيهم والله جرحتني يا سعد وهنت عليك انا ودموعي
أقسم بالله ما شكيت فيك بيوم يا سعد وعارفة الظروف اللي خلتك تحكي معي اخر كلام حكيناه مع بعض ومن اجله سامحتك وبدعيلك
بس بعتب عليك والله يا سعد هانت عليك دموعي ورحت وتركتني وانت الحنون اللي ما انخلق بالكون بحنانه وانت اللي بكيت معي بدون ما تشوفني ولا تعرفني
ووالله لليوم ما فقدت الامل برجعتك وعنجد لليوم ما بعرف بشو قصرت معك؟؟؟
من قلبي سامحتك وبدعيلك وانت سامحني وادعيلي
ومصير اللي مقاطعني ييجي يوم ويعزي اخواني...أو ابعت رسالة وخلص...
والبنات اللي مفكرهم انا قسما بالله ما انا.ولو كنت صحيح كنت افوت باسماء تانية لكن فورا اعترفلك عن الشخصيات اللي دخلت فيهم
ولكن بقيت شخصية ما راح اعترفلك فيها بتمنى تكتشفها لحالك ولا بد تكتشفها لحالك وانا متاكدة انك راح تفتخر فيني
وانا يا عمري ما بعت الوفا.. وانت اغلى الحبايب والله
سلامي لاخي ابو هاشم كتير فرحت لما ناداني مرة اخوي ربنا يخليله مرته وابنه ويفرحه فيه واحكيله اني قدمتلك تضحية وكمان كان واجبك تقدملي تضحية لكن يظهر انك فضلت تضحي فيني
وسلامي لأهلك بدون استثناء اللي بيوم من الايام افتخرت فيني قدامهم وقدمتني لهم على اني حبيبتك
(يمكن يكون الكلام على النت هيك وقدام الكل عيب بس والله مخنوقة يا سعد وهاد متنفسي الوحيد)واكيد حاسس فيني صح؟ زي ما كنت تحكيلي لما تجيبلي سيرة بنت متزكر؟بس بتعرف شو انا هلأ حاسة فيك
شكرا لكل من قرأ هذا الكلام وانا اسفة اني ما راح ارجع أقرأ ردودكم لأني اقسم بالله العظيم ما راح افوت على المنتديات نهائيا لكن بترجاكم ادعولي كل ما تذكرتم فلسطين
وادعولي لاني عندي امتحان بكرة ازا سمحتوا ارجووووووكم
وبقدم اسفي لكل اللي جرحتهم بكلمة او بعبارة غير مقصودة ما بتزكر ابدا اني جرحت حدا بس بتزكر اني كنت بحب المزح فيمكن عن طريق المزح غلطت بحد واخد مني موقف ارجوكم سامحوني
انا طولت بعرف بس سعد حبيبي كان حابب ان البنت اللي بتعترفله بحبها تتركه بكلمة وداع
فلذلك وداعا يا سعد وداعا ايها الساحر...
وصيتي لك يا سعد كالآتي:
تذكر
أن الله ضمن لك الرزق فلا تقلق
ولم يضمن لك الجنة فلا تفتر
وأن كل نعمة دون الجنة فانية
وكل بلاء دون النار عافية
فقف محاسبا نفسك قبل فوات الأوان
وارجوك لا تنسى الاستغفار
تحملني شوي هاي رغبتك بكتابة كلمةالوداع قبل الرحيل
ولكن..
فإن لم نلتقي في الأرض يوما وفرق بيننا كأس المنون فموعدنا غدا في دار صدق يها يرقى الحنون مع الحنون
وعلى ذكر الحنان والله ما في أحن منك ونيال اللي راح تفوز فيك
بالنهاية وليس بين المحبين نهاية حبيبي حابة احكيلك تحياتي لمن نور حياتي كنت اجهل الكثير عن الدنيا معك تعلمت معاني الاشياء على حقيقتها واكيد فاهمني
بحــــEــــ&ـــSــبك
ملاحظة لما اخدت راي صديقاتي بكلامك قالولي انك ما بتستاهل ولا حرف من اللي كتبته وكتييييييير كانوا ينصحوني اتركك وانا كنت اعاندهم لكن آن الأوان يا سعد
دقت الساعات صحيح بالنسبة للأغاني بترجاك بكفي تحط اغاني ما بدي اقلك السبب فهمك كفاية يا شيخ سعد ياما حكيتلي أغاني يا شيخة؟؟قال يعني مستنكر
اخي اشرف (عاشق العراق _دعواتك)
جارة القمر يا روحي بحبك ادعيلي
اخي غيث دعواتك و ما راح انساك)التميمي دير بالك عليه تراه بحبك كتيييير وربنا يسعدكم اتنيناتكم
حنين مبسوطة منك كتير بس يا ريت تبطلي سهر والله السهر مو منيح
أخي احمد (ما يهمني لقب بتشكرك كتير ودعواتك يا طيب)
فيفي كات ما راح انساكي بوجودك المنتدى صار احلى واروع وصداقتك كنز والله
نصر الحسيني وأبو عجاج ولولو ومغترب وقيصر ما راح انساكم ويمكن تحكوا لحالكم مين هاي راجعوا مذكراتكم راح تعرفوني مين
ليلو شكرا كتير الك مرة بزمانك دعيتيلي ان ربنا ما يحرمني من سعد شكرا كتير وما علينا هيني انحرمت منه مو مهم المهم انك دعيتيلي
مايك يمكن تستغرب لوجود اسمك بس ادعيلي وخلص لان في ناس فاهمين ليش اسمك موجود
موني موني الف شكر الك.منك تعلمت الطيبة وتعلمت ان الدنيا بخير.ديري بالك على حالك وربنا ينجحك بامتحاناتك وديري بالك على الماما ويا رب يطول عمرها ويرحملي امي ادعيلي وله
دكتور حمودة استفدت من مواضيعك كتير وحبيت شخصيتك كنت اقرأ صفحتك الخاصةادعيلي اخي
الامل بالله وضياء وحب ربي ملأ قلبي الاسلام حبيتكم من خلال مواضيعكم كنت ابعت لسعد روابط مواضيعكم في سبيل استرق قلبه ولكن عالفاضي مو مهم المهم انكم عجبتوني والله عنجد
اخي مجدي دير بالك على سعد ترى ما في منه ودعواتك اخي ارجوك
اية ونسمة وحلا ..(شلة احلى بنات) مواضيعكم حلوات استمروا ودعواتكم
فوق الارض وتحت السما موضوعك تبع الكرسي بيجنن قربني شوي من الاعضاء وخصوصا بالبداية عرفت مين اصحاب سعد الحقيقيين ادعيلي مين ما كنتي تكوني
نغوم حبيتك كتير طلبت ايميلك ما رديتيلي خبر وهدى كمان
ومارية كذلك طلبت ايميلك ما رديتيلي خبر _ دعواتك يا مفعوصة وربنا يرجعلك البابا بالسلامة وانا كمان بابا مسافر
عبير الفلسطينية حلو كتير حبك لفلسطين والله بحبك يا شعنونة يا وحداتية انتي صرت وحداتية وانا ما بعرف اشي بالرياضة بس لانو حبيبي وحداتي وحضرت كاس العالم وانا اللي ما كنت بطيق اشوف المباراة
بنت الاردن واخت الرجال ما راح انسى مواضيعك الدينية كنت افوت واقراها وما اكتب رد لاني عارفة انها بتعجب سعد وانو ازا لقاني كاتبة رد ما بكتب هو
راندي وكركر دعواتكم بعرف مين بتكونوا كتير منيح
اطياف الماضي بشكرك على طلب الاضافة وراح اقبل صداقتك مع اني ما بعرف مين بس شاكة بهالواحد مو مهم ما عادت تفرق لاني رايحة وما راح ارجع واشهد الله على كلامي ولا مانع من دعواتك
حبيبيsilent.hill دعواتك ما راح انساك
بكفي تجمدت من البرد وضيعت وقت كتير.. سلام
كنت معكم اختكم من فلسطين المحتلة
جوهرة فلسطين
اكتر اسم حبيته وما راح احب غيره لان اللي سماني اياه حبيته وما راح احب غيره
واقسم بالله العظيم ما فتت النت اتسلى مع الشباب أو البنات والعب باعصاب الناس وبالمقابل سامحت اللي حاولوا يلعبوا باعصابي واختبرتهم والحمد لله نجحوا لكن ما تقبلوا مسألة اني اختبرتهم مو مهم على العموم سامحتكم
دخلت النت أعرف الناس بغزة اللي كانت تحت القصف والعالم نايم وكنت حابة بس تدعولنا
وعنجد محتاجين دعواتكم
وهيها قطعت الكهربا لكن رغم كل شيء راح نضل صامدين على ارضك يا فلسطين ولو قطعوا عنا الاكسجين صامدين صامدين
وبالله عليكم يا بنات المنتدى انكم تدعولي ولي عندكم رجاء اخير
بلاش صور ممثلين وفنانين واخوانكم بغزة ما في يوم الا فيها شهيد لو حتى العالم مش سامع انا هيني بحكيلكم
وبلاش تعرضو صور بنات بصوركم الرمزية وتعليقاتكم حبيباتي ما حدا عاقل برضاها على حاله يهدي الناس حسناته ويلملم سيئاتهم
واوقاتكم اللي مضيعينها على الفاضي يا ريت تصحوا لحالكم وتستغلوها صح فكروا بحفظ القرآن مثلا ..
طبعا مش اجباري الحكي والحكي مو موجه لواحد او وحدة معينة
دعواتي لكم بالتوفيق والنجاح
في وحدة امورة عليها امتحان توجيهي هلأ تزكرتها واللي هي نور الاسلام يا رب ينجحك وما يضيعلك تعب يا عسل_ادعيلي يا بنت وربنا يباركلك بوقتك
استودعكم الله الذي لا تضيع ودائعه وبكرر دعواتكم اذا سمحتوا
وسااااااااااااااااااااامحووووووووووووووني وخصوصا انت يا سعد سامحني لاني كنت افتش من وراك كله من غيرتي عليك والله وبيسان ما الها دخل بالموضوع اللي بالي بالك هي بس اعطتني رابط المنتدى وانا شفت شغلي (فهمت علي مو؟)
شو رايكم اكتب الموضوع نصين والله انا زهقت كيف انتو يا مساكين
وعلى فكرة المنتدى عندي بطيء كتير الله يعينني ازا ما وصلكم هالكلام بس مو مهم المهم اننا حاولنا
اسمحولي اكتب اخر حرفين بدمي وبدمعي
بحبك
S&E
حرر في تاريخ 15/11 في موعد آذان الظهر
احكي أشهد ان لا اله الله
بموعد اذان الظهر سمعت صوتك لاول مرة يا سعد
كتير كنت احبك قد البحر ونجماته عنجد بياع الوفا يا ناس لو بعرف عنوانه
وكل واحد ذكرت اسمه لو سمحتو يدعيلي واللي فات لهون وما ذكرت اسمه دخيلكم ادعولي
والسلام ختام
السلام عليكم ورحمة الله وبركاته
سامحني سعد ما لقيتك بالمنتدى كنت استشرتك قبل ما اوديها وغير هيك النت عندي بطيء الماسنجر مو راضي يفتح
ازا بريحك الوداع هاد وداعي هيك شكله ويمكن انت مو موجود لانك استلمت شغل الله اعلم..بتمنى من الله يرزقك
ودااااااااعا يا حبي
وستذكرني ازا جربت غيري وتعرف انني نعم الصديق
من هاللحظة كل شي بزكرني فيك راح الغيه من حياتي
وكتير حكيتلي ما حدا بحبك ئدي ما كنت اصدقك اتضح انه فعلا ما حدا بحبني قدك
وهاد اللي كتبته قراته وحفظته في اجندتي لكن بمجرد ما اكتبه هنا راح اشطبه من عندي
لانه يمكن من حق غيري
اما انا خلاااااااااص ضاااااعت علي
بسم مشاعري الصادقة واحاسيسي المرهفة ابدأ بــ
قـــولي لـــي
من انتي حتى تاسرينني بلاقيود
بلا حدود 000بلا ذنب 000بلا اسية
انتي تعلمين كم احببتك كم عشقتك كم انتظرتك
تعالي واسالي البحر 000تعالي نسأل القمر
قولي لحبات الرمل كم مرة كتبت اسمك
لماذا تسكنين قصرك العاجي 000لماذا هذا الصمت
حتما سأزورك يوما 000حتما سأخطف قلبك عنوه
حتما سيذوب الجليد 000 وسأنزع النظارة السوداء من عينيك
اســـــمعيــنــي
سيدتي انا لم اركع يوما الا لخالقي 000لرب البرية
انا انساااان قلب وروح 000
لكني امامك ضعيف 000لكن لن تصل لحد الخضوع
فديني ورجولتي تمنعانني الخضوع 000
قد اكون 000تسرعت 000قد اكون تهورت
لكن والله اني اسير بغير ارادتي 00واخاف اني حفرت قبري بيدي
انتي قدري 000انتي شقاوتي 000انتي عنفواني
مـــــهــــــلا
اذا رفضتي سأزورك في المنام 000وسأجلس بقربك 00سأحافظ عليك وساحميك من كل العيون
انا لن اسمح حتى لخيوط الشمس 00ان تعانق خدك الوردي00ساحبسك بداخلي انا
سأعلمك
كيف اعيش حبك 000كيف اسهر وانتي نائمه 00كيف تضحكين وانا اتألم
و رأيت الكل يمشي عكسك ..لاتتردد إمـشي
حتى لو أصبحت وحيداً..!؟
فالوحده خيرُ من ان تعيش عكس نفسك ، لأرضاء غيرك ..؟
**************************************
وانا كمان كنت احبك وما حدا حبك قدي شوف سكان قلبي اللي بالبريد تبعك ازا ما كنت مسحتها ومن خلالها كمان عرفت انك بتحبني لاني لما بعتتها لك فورا رديتها لي
ضاقت فيني الدنيا وما حدا حاسس بحالي
قررت اكون مع الله لان الكل يريدني لنفسه والله يريدني لنفسي
رحماااااك ربي
الملتقى الجنة ان شاء الله تعالى
جوهرة فلسطين
