في خاطري شئ،،
اذكـرينـي إذا حـبيتـي غــيــــري اذكــري المـشــتاق يا نــور عــينــه
اذكـري حبٍّ صـفا لك من ضميـري أرجــوك لا يـنسـيك منهو تـبينــه
عـشت وبـقيت مـنزلك في نظيـري لا يـخـدعـــك حبٍّ جــديـدٍ تريـنــه
يحكي لك الدمعـة يـشكي مصيـري واللي بدى مني باللـه تـجـاهـلينـه
في عـذابي عـن ما نويت استخيـري يكـفـي على قـلبي مفـارق ضنينــه
وشلون بـشـروع الهـوى تستعيـري ما ظـنّتـي درب الخـطا تـجـهلينــه
عـودي عـليّ إن كان قلـبك أسيـري إن كـانه بعـصمـة يدينـي رهـينــه
وإن كان مملوك في الهوى لحدّ غيري لا يمنعـك يـوم العزى تـحـظـرينــه
