تعال انواسي بعض
اليوم حابه احكي عن اكبر هم نولد معي .. او بالاحرى نولدت معو ..
الغـــربــهـ ..
شعور انك تنولد (غــريب)
بخليك متل الاعمى الي بحاول يتخيل الالوان ..
اوقات كتيره عشتها وعشت شعور (التفرقــهـ)
وسمعت كلام .. وشفت نظرات ..
كلهم مابينظرو الى انك انسان ..بينظرو الى انك غريب..
كل قصة بتحكيها .. وكل كلمة ..
كل تصرف وكل ردة فعل ..
بيحطوها وبيحطو جنبها كلمه (غريب)..
لهيك واكتر من غيري
عندي طموح كبير..
وكل يوم بتألمني الغربهـ
بيعطيني طموح اكبر
صحيح مؤلم انو الطموح ينبنى من الجروح وبالطريقه الصعبه ..
بس بتمنى انو ربي ما يخيبني ..
عنجد بشتاق للاردن
برغم انو ما بعرف الاردن الا بالاجازات ..
بس كل اجازة بسافرها بتكون احسن من كل المده يلي عشتها هون ..
شعور الوحدة مؤلم
مابتقدر تلاقي صديق لانك عارف انو دائما بنظرو رح تكون الغريب الي جاي من برا
طيب انا شو ذنبي انو نولدت بأسرة غربها الزمان..
ليش انا لازم ادفع ضريبه لشي انا ماخترتو
بس ان شاء الله
بتحقق حلمي
وبنتقل للاردن وبكمل دراستي فيها
يمكن اشعر بقبول النفس ..
او يمكن حتى اعيش هالكم سنه وانا مبسوطه
بس اوقات بخاف انو حتى لما ارجع عالاردن
رح يعاملوني كـ(غريبــهـ) ..
جاية من برا ..
غربتي اكبر من مجرد غربة سفر ..
غربتي ..غـــربهـ روح عن جسـد ..
