صـمـت آدم .. يجنن حـواء .. موضوع للنقاش
الموضوع نايس كتير ميرسي عالفكرة وردة
انا من رايي كلا الجنسين ماحدا فيهم فاهم التاني كل واحد اله طبيعته اللي ربنا حطها فيه
المعروف انه المراه عادة بتفكر بصوت عالي وبتحكي كتير ( برم نسوان) باشياء مفيده او لا بس لما الرجل يصمت مو معناته انه متجاهلها لا طبعا بكون لرجل مو عارف شو يرد بس بفكر بالموضوع بصوت واطي وهاد الشي لازم المراه تراعيه اشي تاني مرات كتير المراه مابتراعي انه زوجها راجع من الشغل تعبان ومو ئادر يسمع او يحكي شي فهي المفروض تراعي انه زوجها مرهق مو مابحبها او مو طايئ يحكي معها ( المراه محتاجه انها تكبر عئلها شوي)
مرة قرات بدارسة فرنسة على ما اعتقد عاملينها على اكتر شي بيزعج المراه من صفات الرجل فاجى بالمركز الاول صمت الرجل قبل الخيانه واي اشي ثاني يعني موضوع صمت الرجل موجود بكل المجتمعات الشرقية والغربية عشان هيك لازم احنا كنساء نكون اكثر حكمة في مراعاتنا لهاد الموضوع اولا لازم تختاري الوئت المناسب لتحكي فيه مع زوجك يعني مو يكون راجع من شغله وانتي نازلتلو بئصص الجارات ولا نازلتيلو طلبات هو وئتها مو بس بده يصيبو خرس بده يصيبه خرس وعمى وطرش الحزين انتي هيك سديتي نفسه عن كلشي
بعد ما تختار الوئت المناسب لتحكي معه لازم تعرف تختار موضوع يحكو فيه ويرتاحو فيه همه التنين
عشان هيك انا بشوف انه المشكله بترجع بهالموضوع عالمراه مع انه الرجل احيانا بزيدها بس المراه لازم تعرف كيف تيجيه
هاد رايي شكرا ورده كمان مره
