تعال جآي سولفنا عن تجربتك
احلى سنة بالدراسة هي سنة التوجيهي
لانه الواحد بيتعلم كل ايشي فيها
بيصير شاطر و دريس و بدو يتعلم و يهري حالو دراسة
و بنفس الوقت بتلاقي هامل طول نهاره بالشارع بلعب كرة زيي مثلا
و بيتعلم الدخان و الارجيلة و بيصير شريب قهوة ( بس عالفاضي , لانه دايما نايم )
و احلى ايشي لو يدرسك اساتذة بايعينها بس فاهمين المادة
هدول احسن من اللي ماخد دكتوراه بالمادة
لانه بيعرفو يوصلو المادة للطلاب بطريقة المزح
عاد هون بتوقف عالطالب نفسه
اذا بدو يدرس زي حالتي :nosweat:
وقت المزح بصير ابيخ من الاستاذ
و وقت الجد خلص حط المزح وراك و عن جد افهم المادة
طبعا الاصل يكون الوقت كله جد لكن لازم يكون فيه لحظات مزح
عشان الواحد ما يمل من المادة
بالبيت ادرس لكن كل ساعة ريحلك 5 , 10 دقايق
احسن ما تريح كل 6 ساعات ساعة زمن
لانه انت ما راح تتحمل دراسة 6 ساعات وراح تنسى حالك بساعة الراحة
و تسحبها عشرطعشر ساعة
بالنسبة للمواد
بالاول حاول تفهم المادة كلها مرة وحدة
بعدين ارجع احفظ ( القوانين و طريقة الحل )
بالنهاية ربك هو الموفق
و اتمنالك التوفيق بهالسنة
بس عن جد هاي السنة
احلى سنة بحياة الشخص مهما كان
لانه وضعه بيختلف عن لما يكون طالب عادي
او طالب جامعه
لانه بيكون الكل بدو رضاك
وبنفس الوقت بدو احسن ايشي منك ( الي هو العلامة العالية )
و بيزعل لو اي شغلة من هدول الثنتين ما صارت ( رضاك و ورضى الكل )
انا حكيت كثير
بس كلو هاد ما بيكفي لوصف السنة هاي
علـــــواه
