احكيلناا انتا مين بصراحه؟!!!
وعند الدفع طلب من صاحب البقاله انه يسجلهن عليه بالدين
فرفض البقال وقاله ما بتعامل انا إللا بالكاش !!!
فقاله الموظف متعجب: بدك كاش ؟؟
قاله صاحب البقاله أي ليش لأ ؟
: فجاوبه الموظف
لأنه الكاش غير متوفر بالأسواق المحلية
لأنه تجمع بأيدي شلة من الحرمية
والحرمية صارو كترة
والكترة غلبت الشجاعة
والشجاعة كنز لا يفنى
والكنز موجود بالمغارة
وااالمغارة ما بتفتح إلا لعلي بابا والأربعين حرامي
والأربعين حرامي صارو ملايين
والملايين عم تندفع لضعاف النفوس رشوة
والرشوة صارت حق
والحق يا حسرتي ضاع
و الخازوق أكلناه ضراع
والأكل ما عاد في منو غذاء
والغذاء مقابل النفط
والنفط جاب البلا على روسنا
وروسنا تمرمطت بالأرض
والأرض مقابل السلام
والسلام صار استسلام
والاستسلام ضيّع الكرامة
والكرامة خسر أدام الاتحاد
والاتحاد صار حلم
والحلم سيد الأخلاق
والأخلاق تحولت لنفاق
والنفاق جمع نفق
والنفق لازم يتكمّل
ولحتى يتكمّل بدو متعهد بناء صالح
وصالح ما عاد بهالأيام
وبهالأيام صارت المفاهيم مقلوبة
والمقلوبة بدها بيتنجان ولحمة
واللحمة ماعادت تفوت لبيت الفقرا ولو نطحو الحيطان
والحيطان صار ألها أدان
وألأدان معبية البلد
وهالبلد صار في أكل هوا
والهوا صار فيي تلوث
والتلوث عشعش بالنفوس،والسجل المدني والقضاء
وللقضاء على القضاء صار بدو قضاء وقدر
والقدر علينا مكتوب
والمكتوب ما في منو هريبة
والهريبة تلتين المرجلة
والمرجلة ما عادت لكل واحد
وكل واحد ألو ساعة
والساعة أتية لا ريب فيها
يوم يأخذ كل ذي حق حقه الذي شفط منه في الدنيا
وعلى الدنيا السلام مشان الحصول على الأختام
والأختام عند المدام
والمدام كانت شامية وهلأ صارت روسية شقرا
والشقرا بتهز الأرض
والأرض بتتكلم عربي
والعربي ماحدا بيقدر عليه غير الله
والله اذا منضل على هالحالة لتسحبنا الكلاب
والكلاب أحسن من البني أدم
وأدم علق علقة مصخمة مع حوا
وحوا ما بتعرف غير كلمة بدي
وبدي ألعن أبو هالحالة
بطلت أشتري