قانون الجذب ثكرن يحلي ايامك ويحققلك احلامك يا رب اخي محمد اولا اشكرك جزيل الشك

المشاركة الأصلية كتبت بواسطة: نصر الحسيني;1266063 ثلامتك ولا ثي
وعما الدبب انشالله

ثكرن

المشاركة الأصلية كتبت بواسطة: فتاة ابكت القمر;1266067 كتير حلو , يسلمووووووووووووووووو

يحلي ايامك ويحققلك احلامك يا رب

المشاركة الأصلية كتبت بواسطة: .-*.._m_m_kilani_..*-.;1266128 يعني كيف بدك إيانا نجرب ونرد هلأ إذا كانت مدة العملية 21 يوم وإحنا نغمض عيوننا ونحلم

وإذا كنتي بتحكي عن هدف في الحياة أكيد ما رح نعرف إذا زبط أو لأ بيومين :h3h3:

::

هلأ بصراحة موضوعك مثير للاهتمام بس مخربط :nAshOomA (10):

يعني حكيتي بالأول عن موضوع التفكير المتبادل بين شخصين ...(1)

بعدين عن كيفية صناعة هدف محدد وإقناع النفس بتحقيق هذا الهدف ...(2)

وعن التوفيق الإلهي ....(3)

وبالأخير في تعليقك بالنسبة لصاحبيتك بتحكي عن الأقدار ....(4)

وكل موضوع من هاي المواضيع أعتقد إنه مستقل عن التاني!

::

هلأ بشكل عام وبصراحة ومن وجهة نظري بنقدر نقول إنه نتائج موضوعك سلبية

لأنه بنمّي جانب الأحلام وبركز على نقطة الوصول بغض النظر عن الطريق

يعني حلو إنه الإنسان يكون إله هدف محدد في الحياة أو حتى سلسلة من الأهداف

بس إنه بدل ما يحلم بتحقيقها الأولى إنه يحط خطة عملية توصله لأهدافه ويلتزم فيها ويثابر عليها

وكما كانت تقول جدتي كاترينا "إنه أفضل وأسرع وسيلة لتحقيق الأحلام هي الإستيقاظ" :win:

::

بي أس: الدراسة ..

مشكلتنا إنه بنعتبرها هدف وهي وسيلة لتحقيق الهدف

وما بتوقع إنّا بنقدر نقنع أنفسنا بتخصص معين بأحلامنا إذا ما كنّا مقتنعين فيه أساساً وبيمشي مع أهواءنا

والوسيلة الأفضل من الأحلام لإقناع النفس وربما لزيادة حبنا لتخصص معين هي "زيادة معرفتنا" بمزايا هذه التخصص وسلبياته وإيجابياته وطبيعة مواده

ومجاله في السوق المحلي ودوره في إيصالنا لأهدافنا بصفته مجرد "وسيلة"

::

بي أس2:

بالنسبة للتوفيق الإلهي ..بيتطلب من الإنسان شغلتين:

أولاً: الأخذ بالأسباب والتوكل على الله .. وثانياً: الدعاء..

حتى الدعاء في إلو شروط لتحقيق الإجابة: وأهمها التقرب إلى الله وترك معاصيه، وإنه يكون عندك يقين بالإجابة ..

::

بي أس3:

بالنسبة لموضوع الزواج ..

أنا عندي قاعدة بنيتها على دراسة معظم الحالات اللي بعرفها ومنها تجربتي الشخصية

إنه الله بيعطي كل واحد إنسانة بتناسبه وبكون طباعها نفس طباعه

حتى تقريباً نفس مستواه الديني ودرجة قربه من الله

ولو تركنا هذا الموضوع لربنا ويكون عندنا يقين بإنه رح يختارلنا الأحسن

لأنه أولاً عن آخراً حقيقة لا يختلف عليها اتنين إنه

//الله ..هو واهب السعادة//

اخي محمد
اولا اشكرك جزيل الشكر على مرورك الكريم بموضوعي
ثانيا بالنسبه للشغلتين اللي حكتهم عن التوفييق الالهي

من ضمن قانون الجذب الدعاء
والله بيسخر الاسباب لتوصل لهدفك
لانه كل شي بصير بايد الله

هاد الموضوع قائم على تجارب كتير ومو مجرد حكي
ممكن ما تقتنع فيو بس جد موجود
ويا سيدي جرب شو خسران

الواحد لما يكون عنده هدف وبدو يحققه بجرب كل الوسائل والطرق صح
وبالنسبه لموضوع الزواج
اكيد ربنا اللي بختارلنا لانه الزواج قسمه ونصيب
وربنا ما بيختارلنا الا الافضل

بتمنى ما يكون موضوعي تئيل عليك
وتتقبله وازا حبيت تجربه
هاد شرف لالي

والله يوفقك بحياتك يا رب:hat: