شاعر جديد
السبت عدا والأحد كنه السبت
هم وعذاب وألف حيره وحيره
مالت بي الدنيا وتهت وتعذبت
أثر الكريم بها الزمن مثل غيره
للونس والفرقاء وللضيق جربت
وين الخبير اللي يجي واستشيره
حاربت سيف الوقت والهم حاربت
ومحازمي ما عاد فيها ذخيرة
غديت مثل اللي تعجل على النبت
يبغى زهور الحظ تصبح نظيره
بنات فكري يعزمني وجنبت
لا شك وين اللي قصيدي يثيره
خانتني أبياتي ثمً تعذبت
وجفت ابياري والموارد عسيره
ابغى طريق الشرق لا شك غربت
والحظ رغم أنفي يواصل مسيره
بعروق جسمي للمراجل تشربت
واليوم تهت وقلت يالله خيره
السبت عدا والأحد كنه السبت
أمشي طريقي ليل مالي بصيره
