الشعارات والرموز الفلسطينيه
المشاركة الأصلية كتبت بواسطة: آرثر;1043461 اول شي اشرحلك ليش بنتجنب لبس الكوفيه في الاردن
السبب:لأنو لما قامت حرب ايلول
بين الاردنيه واللاجئين الفلسطينيين
كانو الثورجيه الفلسطينيين يتلثمو بلكوفيه الفلسطينيه
عشان يخفو ملامح وجهم
((وياويلك اذا بتلبسها وبتروح على السلط او الكرك او معان))
عشان هيك صارت الكوفيه الفلسطينيه رمز للارهاب بلاردن
ثانيا:الشعارات والاعلام
السبب:انت في الاردن
بحقلك ترفع علم الاردن والشعارات الاردنيه فقط
غير هيك بتكون هدف لشرطة السير والبحث الجنائي
((كل 10 متر بوقفك شفير دوريه))
وبقلك ((رخصك,وهويتك))
واحتمال 95 % يخالفك((حتى لو ما كنت مخالف))
وطبعا في مقوله مشهوره بيحكوها الاردنيه
عنى نحنى((الفلسطينيه في الاردن))
يلي هي بلجيكي
بس انا فلسطيني ومش مستعد اخبي رمز بلدي
واذا حابب تشوف الشغلات هاي
بنصحك تروح على احدى المخيمات وهي مشهوره
غاد بنوخذ راحتنا
وكلو تحت شعار((كلنا اخوه))
لا أرغب بأن أفتح صفحات قد أنطوت
ولكن يؤسفني أن البعض يحاول أن يشعلها
صديقي آرثر لن أعقب على كلامك
فأن الحرية هي العنوان في وطننا الأردن وبقيادة سيدي جلالة الملك عبدالله الثاني ..
أعلم أني أردني وافتخر بنسبي وأعلم أن كل عربي هو أخي وكيف وأن كان فلسطيني فهو أبن عم لي
لكن أتمنى منك أن تزيل تلك الاحقاد .. فنحن أخوة !!
المشاركة الأصلية كتبت بواسطة: آرثر;1046764 والله يا شباب
مش عارف ليش قلبتو علي
على كل حال اذا بدك اثبتلك او اثبتلها
اي واحد عندو سياره يكتب على الزجاج الخلفي
((عاشت فلسطين حره ابيه))
وشوف شو راح يصير معك واحكيلي
بس انا ما بكره الاردن
بلعكس انا اردني الانتماء هاشمي الولاء
وزي ما حكيتو في نفسيات مريضه
وللاسف كثير من النفسيات هاي
هي من الامن العام والدوائر الحكوميه
وبقولها بكل صراحه
نحنى الفلسطينيه في الاردن
اكثر اللاجئين بنتعامل باحسن معامله
احسن من يلي لجئو للبنان او لسوريا
بس برضو لسا في حزازيه
وبتمنى ما يصير في زعل
واي فتنه يلي بتحكي عنها اختي
ما فهمت ياريت توضحي
عاشت فلسطين حرة أبية
أشي نفتخر فيه نحن كعرب
وصحيح نسيت نحن لا نفلح إلا بالكلام ...
نعم هكذا نشعل الأحقاد بيننا ونتشاطر عبعض ونترك العدو يضحك علينا
أما بالنسبة لكلام الجارح لنشامى الأمن العام .. فهم ياسيدي العين الساهرة
لكي أنام أنا وأنت بكل أمان .. هم من ضحوا بأرواحهم لخدمة الوطن
فعلا عيب عليك هيك حكي لو تخرج ساعة الظهيرة لشارع لوجدتهم تحت أشعة الشمس الحارقة
ينظمون السير ويحافظون على النظام ..
وهذه كلمة حق مني ليس فيها أي أنحياز أو تحيز لأحد
كلامك الحاقد غريب ياصديقي ... فنحن أخوة نحن كلنا الأردن
أتمنى من الزوار ومن الذين لا يعرفوا الحقيقة أن يغضو النظر عن هذا الموضوع
فهو راس الفتنة !!!
بالود ألقاك صديقي آرثر